【中佬手記】一「自」記字曰

喂,唔係「日」,係「曰」,讀「弱」。如果好多人搞錯呢個字,咁香港教育制度絕對有必要教返多少文言文,等大家起碼聽過下啲「之乎者也」,唔好下下「嘅咩呢囉」。

呢幾日其實都幾攰。可能因為熱啦,濕氣重啦,或者周圍都立立亂啦。唔係咩,新媒體混戰喺《主場》退場之後,又見《熱》《輔》 互片。其實呢件事唔會有太多人留意,只係我 Facebook keep 住係咁出呢啲 post。利申:我係只係一個寫稿佬,同一個外賣仔,係冇咩分別嘅,冇立場冇企位,就好似汽車維修工人隨身攜帶士巴拿咁,係好合邏輯嘅。

 

另一個亂,應該係繼「佔中公投」、「反佔中簽名運動」之後,香港人又又又殺出第三條路出嚟。今次係「尋求共識聯署」,即係,同「支持世界和平」一樣,永遠冇錯嘅。不過望下簽名嗰啲,曾鈺成、陳婉嫻、劉佩瓊……都話班建制特約演員做晒啲 dirty work ,曾主席同嫻姐就可以企喺道德高地、擺出持平中立嘅姿態,然後大小通殺。「18 學者方案」嘅羅致光等人都有聯署,但講真,本來冇咩人理佢哋,家下幫人抬轎,咪順便畀人騎劫埋囉。之前報道話羅致光 IQ 高達 160 ,但事實證明 IQ 同從政成就或貢獻之間,真係冇必然關係。

仲有一個亂,係香港啲龍門搬到周街都係,食環署又唔夠人清理。最新嗰個,係地政總署助理署長林嘉芬喺管理範圍內買入地皮。而呢個範圍即將收地重建。當然啦,政府例牌否認當事人以權謀私,「不存在」利益衝突,「冇證據」顯示佢用內部資料買地。一個男人響一個女人耳邊講「我愛你」,如果冇錄音,其實都冇證據架。古語有云「瓜田李下」,家下連避嫌都慳返,帶起「有嫌疑但唔駛落台」潮流嘅陳茂波應記一功。

 

Flag_of_the_Islamic_State_in_Iraq_and_the_Levant.svg

 

香港好亂。但如果將眼光放遠少少,唔難發現中東比香港亂十倍。唔係講以巴衝突加火戰火,係講緊「伊拉克和黎凡特伊斯蘭國」 (簡稱 ISIS 或 ISIL)喺伊拉克長驅直進,攻油田、佔水壩,連黎巴嫩都受波及。冇人知道呢個奉行原教旨伊斯蘭教義嘅組織往後會做乜,但如果話佢哋想建立伊斯蘭世界……戰火會燒到幾遠?冇人知。會否只局限喺中東或西亞?我估未必。打到入歐洲甚或東南亞?邊個知。邊個制止到佢哋?唔會係奧巴馬。

唔一定要知答案,但起碼要問。當台灣傳媒都關注伊斯蘭國抬頭嘅時候,唔知我哋親愛嘅、足跡遍及烽火大地嘅前戰地記者、布爾喬亞國際視野文藝青年又做緊啲乜去喚起大家嘅關注?加沙地區嘅巴勒斯坦人好慘,大家都知。但伊斯蘭國日後走向對全世界嘅影響,係咪同樣值得關注?

 

喺世界秩序蘊釀鉅變嘅時候,你會明白點解我覺得好攰。因為太多未知數,要斷估都好困難。而不確定性代表存在風險,風險令人不安,不安,咪就係心緒不寧。咁嘅時候,你同我講 CCTVB 有幾維穩,所謂真人騷有幾假,我真係 who fxxking care。都話狗咬人唔係新聞,無線保皇、親建制、維穩、偏頗, Old news is so exciting 啦。仲講。咁你又睇?同小巴上嘅港女嗰句「臭你又舔」真係一脈相承。唔睇邊有得鬧?咪唔好鬧囉,周融做馬騮戲都係搏鬧啫。做人將眼光放得太短淺,真係好易出事。你試下行路淨係望住部五厘米遠嘅手機,保證好快撼柱。

所以呢,其實我幾怕同嗰啲開口埋口都係「我乜乜」、「我物物」嘅人相處。當然,唔駛我點出聲、齋聽係可以嘅。但會好悶。乜嘢都圍繞住自己,做咩啫?唔好上網啦,單機咪得囉。自拍 po 上網為咩啫? 24 小時對住塊鏡咪仲開心?當然,邊睇邊鬧無線、自拍呃 Like 、沉迷「小朋友齊打交」都可以開心,而望闊啲、睇遠啲往往令人憂慮。快樂是選擇丫嘛。

 

作者:中佬

中佬
中佬,三十而立,最怕香港濕立立

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 81085
Date: 2014-08-08 12:47:47
Generated at: 2022-11-27 12:26:17
Permalink: https://www.vjmedia.com.hk/articles/2014/08/08/81085/【中佬手記】一「自」記字曰