港鐵鬼故:見鬼?結界?異象?

原載於:MTR Service Update Page

一直以來都有同鐵路有關的鬼故,其中一種最多人談及的就是「結界」,所謂結界即是人會進入另一個不知名的空間,而自己無意識發生過甚麼事,返回現實世界時,已是多個小時後的事。

每逢 7.1 大遊行,我地都派出同事到現場監察人流、車站出口狀況,尤其呢兩年都有雨落,今年佔中街站更喺灣仔站 A4 出口外,人流一受阻塞,好容易會倒灌番入車站,令大堂不勝負荷。其中一位同事,打算過銅鑼灣站接替另一個要去食飯的同事,去完灣仔站洗手間嘅佢,最方便就梗係搭 Lift 落月台啦,否則又要繞過整個大堂 ~

 

灣仔站內的升降機

 

恰巧,Lift 入面有位去九龍的婆婆問路,雖然港鐵嘅升降機的確係好慢,但教咗婆婆點搭車之後,已經到往上環嘅月台,佢只好再㩒 lift 番去往柴灣果層。沿指示牌登車,再睇埋車內嘅閃燈路綫圖,同事肯定自己無搭錯車。由於我地都係專業嘅鐵路從業員,上車後自然會照工作的慣例,報番自己位置到通訊中心,方便通訊中心再安排大家嘅工作等。在此之後,佢腦袋一片空白,只感覺架車行咗好耐,忽然醒一醒,到車門打開時,佢見到嘅紙皮石牆壁,居然係水藍色,而不是紫色的彎曲焗漆板!

 

鐵路是工業革命時期的發明,一切設備建基於科技,邪神鬼怪理應無法干擾機器運作;但另一位工餘時跟師傅學道,上埋電視節目驅鬼的同事就話,其實「靈體」無處不在,佢係以一種頻率的方式存在,只要佢同你嘅腦電波 tune 啱台,就可以俾佢干擾到,眼前所見皆非真實,睇住牌上錯車就係件事嘅結果。又或者靈體為咗做一些唔想俾人知嘅事,就會故意干擾事主的知覺,「洗開」佢到往上環的月台。

到底當日事實上發生咗咩事,至今我地都唔清楚,信不信由你。

 

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️ metroride.hk/ServiceScope

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 81287
Date: 2014-08-10 00:23:03
Generated at: 2021-06-13 12:56:43
Permalink: https://www.vjmedia.com.hk/articles/2014/08/10/81287/港鐵鬼故:見鬼?結界?異象?