【有片】袋住先啦～

（林鄭月娥冀市民接受「袋住先」政改方案）

今日同大家講一個政府嘅方言。

早兩日我聽新聞，

聽到林鄭叫我地袋住先喎？

究竟咩係袋住先呢？

究竟袋住咩先？

反正新聞就話 唔知點西個特首出黎，

咁我地 就跟住西啦！

老老豆豆，

果時聽到當堂得啖笑！

然之後？

我覺得呢個方案相當曖昧，

因為

佢冇講袋住幾耐先？

我係度諗，

姑勿論呢個方案好定唔好，

但係非常之值得我地全港市民好好學習。

咁呢句嘢究竟可以點用？

我畀幾個例子你。

假切你係9月1號開學嘅，

成本暑假作業做得兩版，

老師就鬧爆你搞咩唔做功課，

呢個時候你可以同佢講：呀蛇份功課你袋住先啦！

又或者，

你上個月洗大左，

今個月出糧找卡數 冇得幾多家用可以畀，

你可以係銀包吟出兩舊水出黎，

之後同你呀媽講：媽，呢兩舊水你袋住先啦！

你返工，

你老闆問你份報告搞掂未，

你先做得個目錄，

但係你都一於照隊比佢，

同佢講：老闆，份報告你袋住先啦！

又或者，

你ATM攞錢比人打劫，

個賊同你講問你攞兩皮嘢洗下，

你個戶口先得果99.8

呢個時候火都黎

你可以黎手比張十蚊佢，

之後記得喝佢，

同佢講：仆街！你袋撚住先啦！

你老友結婚請飲，
包幾多人情好呢？
嗱！我覺得識包一定包報紙，
之後記得笑笑口同對新人講：恭喜哂！你袋住先啦！

你娶老婆，
岳母要求你畀88萬禮金，
你度盡都係得8千8，
爆頭都冇計，
你唯一可以做嘅就係劈佢老母價
同佢講：Hi Auntie！呢度你袋住先啦！

透過以上嘅例子，
只要各位勤加練習，
一定可以降決世界上任何問題。

今集個質素係咁上下架啦，
你地袋住先啦！

作者：刁民

閱讀後覺得好，請多多讚好及分享～：）