Rocky Yung 攝
80後情侶Sam與Jessica打算年底結婚，還是無殼蝸牛的他們，婚後計畫到歐洲渡蜜月。為此，Sam需要回公司請年假。年假這些事，本是個人福利，如何運用應是個人選擇，但還是少不了要向同事交代。
「嘩一請就請大半個月假，咁我點算呀？」70後已婚師奶同事Eva率先表達了她的不滿。Sam暗想，其實上次Eva請假為仔女溫習功課，也同樣是差不多大半個月，Sam可沒抱怨過半句，因為怎樣利用年假，本就是個人選擇。Sam硬擠出笑容，向Eva道：「辛苦你啦，我啲手信唔會待薄你架。」Eva聽後面色依舊不悅，向Sam報以冷笑。
此時Sam的60後上司Eric，亦開始加入戰團。「阿Sam，我都唔明你呢啲80後諗咩架，結婚咪結婚囉，要唔要去到咁遠honeymoon呀？當年我娶完老婆，同佢去咗兩日澳門就返工啦。」Sam聽完後心中有氣，心想大家價值觀又不同，為什麼我和未來老婆想去哪渡蜜月，也要和你相比？但礙於對方是上司，Sam不敢反駁。
Eric見Sam不敢搭咀，便自覺是佔了上風，更得勢不饒人，急於向Sam傳授更多他的人生道理：「所以話你呢啲80後呀，無錢又學人擺酒，之後仲要去honeymoon，咪就係因為咁你樓都未買到層囉。我當年同我老婆呀，大家為咗儲首期買樓，擺酒都係求鬼其算呀。點似得你哋咁要面，又要擺十幾圍又盛呀。」
Sam很想回答Eric，其實他和Jessica也有共識，大家不急住去買樓，因為也沒打算過生兒育女。他們結婚，單純出於愛對方。至於婚姻要大搞，這單純是滿足雙方父母的意願，兩口子其實也儲了很耐錢，但他們畢竟都是孝順的人。
Sam此刻很想和Eric去理論，但他又忽然想起，那天他到Jessica「提親」時，Jessica對他這個未買到樓的小子，其實也不是十分滿意，那晚他整餐飯也要看女家父母的面色做人，十分難受。但在離開時，Jessica在她家的樓下，緊握着Sam的手，對他說：「其實無樓住咪租囉，而家個世界咁混亂呀，我哋都唔敢生仔架啦。對我嚟講，最緊要都係同你一齊行落去咋嘛。不過我同你講呀，樓可以唔買，仔可以唔生，擺酒可以畀啲老人家揸晒主意。但honeymoon我一定要去歐洲架，你記唔記得呀，你應承過我，會以巴黎作起點，同我一齊行遍呢個世界架。」
Sam想起Jessica的這番話，心頭頓覺一暖，他沒有再去在意Eric和Eva說甚麼，他也懶得去解釋。因為他知道，全世界就算只有一個人明白他，理解他，只要那人是Jessica，那便足夠了。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月15日
