高皓正教主日前高調呼籲大家不做婚前性行為和自慰，又列舉各種好處。
其實我做了人妻之後，性交合法咗，都有一種如釋重負的感覺。大家都知道信徒群體流行婚後性行為，所以我婚前同老公仔性行為的時候，都會有一種「非法」和「偷情」的感覺，雖然係人都知道我地拍緊拖，而且我都係好專一淨係同我老公仔做愛，但我都不能排除呢種感覺；直到結咗婚，取得合法性行為的資格，做起愛來順暢自然，心裏想著：「我終於合法性交啦！」真係好爽。
我現在才明白，原來結婚戒指同貞潔指環有相同作用：戴上貞潔指環，係人都知你係處女；戴上結婚戒指，係人都知你有同老公做愛有性生活。OH！這樣公開地話俾人知自己的「性status」，真係好erotic！
後來我忍唔住同朋友分享呢種「合法性交」的喜悅，俾人笑我「你之前十五歲咩！」先知道原來在香港法律黎講，只要十六歲或以上的性交就係合法，除非強姦啦，咁婚內強姦都係非法的。吓？我好鍾意同老公仔玩強姦role play架播！如果無故事情節的代入，我的妹妹濕唔到架！
「咁你自願玩的強姦遊戲梗係另計啦，傻婆！」我又被取笑了。我成日都因為在性方面太無知而被人取笑，我覺得係同我長期浸淫在基督教環境中有關，好似係性方面會特別蠢咁。
我另一個唔明白要請教高教主的地方，係關於自慰的。
我老公，係我地結咗婚之後，佢照樣睇四仔同埋打飛機；而我，係結咗婚之後，都有睇色情小說同埋自慰；因為兩個人做愛，同打飛機的感覺係唔同的，各有各的快感，所以係結咗婚之後，我地兩個都有保持自慰的習慣。有時我已經好累了，但老公仔想high喎，咁我會幫手舔佢的奶頭和弟弟，等佢high，我覺得咁樣幫老公仔打飛機，係我做老婆溫柔體貼的表現；相反如果老公唔想搞但我有需要，咁老公仔都會用震震棒震我，同埋適時舔我的奶頭和妹妹，等我high，咁樣我既感受到老公仔的愛，又有高潮的快感。有時我地仲會訓係同一張床上面，佢有佢打飛機，我有我磨擦妹妹，一齊自慰。
滿以為結咗婚，我就已經得到「合法性行為」的證書，但看完高教主的文章後，我又有疑惑，難道婚後唔可以一齊自慰？
高教主話可以用「向耶穌或伴侶表達愛意的機會（心理層面）」來逃避打飛機，又說「我們不自瀆並非因為要守律法，而是因為我們愛對方！」一來我不想把耶穌當成自慰器，二來我和老公仔表達愛意，係會係床上一齊自慰的。我愛老公，老公愛我！而且一個人自慰，同有伴侶係身邊，係唔一樣的。我係床度玩Angry Birds，老公仔就係我旁邊打飛機，我倆四目交投，然後我報以肯定的微笑輕聲道：「干巴嗲！」好溫馨丫~~別有一番韻味！信徒人妻JJ今次真係唔可以認同高教主的偉論啦~~
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月15日
