（photo via cc Flickr user Chung Shao Tung）
「我真係好頂唔順啦……」黎左只有一個月，係office坐我前面，一直性格開朗既Dora，呢排總係見到佢鬱鬱寡歡，不時唉聲嘆氣，實在有啲擔心佢。不過係office始終唔方便表露太多關心，唯有忍到12:45pm啦。平時我地鍾意去茶記食Lunch吹水，套餐街坊價，而且貪佢夠多人夠嘈，無疑係講是非吐苦水既絕佳選擇！
「兩個set A唔該，一個黑汁，一個白汁。」一坐低就爭取時間極速叫左個飯先，「發生左咩事？係咪頭先個世界女又整你啊？」我放回餐牌，例牌問句。Dora最初吞吞吐吐，但係佢心入面既怒火已經開始熊熊燃燒起黎，「一言難盡，阿怡持住自己睇head office識到好多大佬，咪覺得我廢，就算我高佢一級佢都無黎尊重，竟然for左我個email出去話我講錯左公司供強積金既程序，仲驚死人唔知，for左俾好多部門既經理睇，話佢唔係黑心都唔信啦！」我醒水地望望周圍，確定左敵人唔係附近先再講。
「黎黎黎，飲杯凍檸茶順下條氣先啦！」見慣見熟既茶水姐姐放低杯野飲對我地微笑，「我地就返工等放工，為兩餐姐，洗咩晒氣激親自己呢！」雖然唔知姐姐係咪同所有人都講同一番說話，但係聽完心情舒暢番啲，工作永遠做唔完，衰人係邊間公司都會出現，一句到尾，自己做野係對事不對人就夠啦！
「你都識講，佢識咁多大佬，當然唔可以失威，如果唔係點可以繼續靠人脈向上爬？不過話晒你地都算同team，佢又唔洗玩到咁盡既。」我飲住最愛既凍奶茶，諗起係公司總會遇上正人君子，亦有唔少鼠竊狗偷，只係睇你幾時遇到。「我唔係傻既，有空位公司寧願請新人都唔升佢，佢一定唔甘心，但問題唔係出自我身上，唔好搞我啦！」有某啲人係鍾意污染人生，自己發唔到圍，仲要搞小動作阻人發展。
「兩個set A到啦！」係茶記我地唔洗顧及咩形象，三扒兩撥，一拼將被所有冤屈都食晒落肚，盡訴心中情後又食飽左，大滿足吧！即使幾唔如意，記得仲有我呢個飯腳友陪你！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月17日
