我忍唔住同隔離嗰阿伯A吹水：我有得收三百蚊喔，你呢？阿伯A話自己無收錢都冇飯食。有位正義阿伯即刻憤怒地話：邊個收左錢？我話畀周融聽！另一位阿伯B就感嘆地講：唉，人地都有張八達通，我地就咩都冇。原來場內存在同工不同酬的情況，我忍唔住好心提醒阿伯A：下次唔好咁蝕章啦，搵間好啲㗎啦！阿伯A回應：咁你咪話比我聽邊間有嘢拎囉！資訊不平等令勞工被剝削，我嘗試打破呢個情境，自覺得做咗件好事。