2月瘋狂holiday終於完結，雖然完全唔想返學但係最後都要死返去（sosad）
話說去柏林當然要試下德國名食Currywurst （茄汁腸加咖哩粉），聽「德國丫，唔該！ 」page走左去Curry 36試下佢地既Currywurst，但係個人因為鐘意食辣，所以覺得Curry 36只係普普通通。
最後一日搭easyJet返丹麥個陣，喺Schönefeld機場發現到原來一直想去但係無時間去既一間Currywurst專門店原來就喺機場度。呢間EsS-Bahn喺Terminal A對出（話說個機場係細到離譜，Terminal A行500米就到Terminal B，喺入面睇地圖先發現Teminal A同Terminal B跟本就喺同一座嘢），個店嘅賣點除咗真係有辣味嘅currywurst之外，就喺個鋪頭係一個S-Bahn車（德文Bahn = Train，S-Bahn係柏林地鐵一部分）入面。道門係舊式車-Bahn門，要兩邊把手同時拉開先開到，我拉住行李發現係無辦法帶到入去，就唯有留喺出面希望無人偷（雖然行李入面都係Kinder朱古力同Vanilla coke）
我嗌咗個Currywurst mit Chilli (mit = with)，佢哋嘅腸係即炸（留意係炸！）既，雖然機場出面得5度，但係食落口都熱氣沸騰，辣得黎好好味，原本仲諗住試下個洋蔥版Currywurst，但係礙於身上無曬歐羅就唯有作罷（其實根本就係懶得去撳錢 ）
另一間wurst好好味既舖頭喺Mauerpark入面，呢個原本囉黎分隔東西德既圍牆公園依家搖身一變變做一個市集，裡面有好多野買，例如手工番梘，黑膠唱片，呃錢手工藝同立雜嘢咁，當然仲有好多野食，包括waffle，currywurst mit pommes frites（pommes frites 德文同丹麥文都解French Fries），炸豬扒（好似係，唔排除係煎的）同特飲等等，而我推介既呢間鋪賣點就係芥末。我一行過呢間鋪頭個陣已經比佢琳瑯滿目既芥末樽吸引住，而芥末樽入面既芥末真係咩味都有，從原味同Honey Mustard呢兩個比較正路既芥末到野蒜芥末，大蒜芥末甚至辣椒芥末都有，雖然唔係好重配料味，不過都幾正，滿足到我對辣的慾望。佢地個cabbage（唔記得個名啦）都唔錯，喺berlin呢幾日好少食菜，所以同芥末腸一齊入口個陣有種莫名奇妙既暢快。
跟住德國丫，唔該！推介既kebab（德國好得意係串kebap，一開始睇個post個陣仲以為串錯）就黎到呢間mustafa’s gemüse kebap，真係好驚喜，贏丹麥九條街！我係丹麥食既kebab通常得啲菜配kebab肉再加啲普通到不能再普通既醬，所以對德國既kebab無太大希望，但係我一見到間鋪個開放式廚房之後心中「哇」左一聲：好_足料啊！即烘包切開兩邊，一邊搽鷹嘴豆一邊搽辣醬，中間放用辣椒腌同用是拉差辣椒醬炒嘅kebab肉同配料，除左一般既菜之外，仲有即炸＋炒sauteed vegetables，有瓜有菜有薯仔，但係估唔到竟然有茄子（話說我對上一次食茄子應該係幾年之前），仲要係炒得好味，真係難得。
我第二日返左去食durum roll，一個卷咁方便攜帶，奇怪係個roll既肉多過kebab，差唔多啖啖肉咁滯，不過本人為食肉獸所以無咩所謂。
最後返到丹麥突然發現呢度好似無咩野食咁，就喺度順便介紹下丹麥小食 Pølser，直譯的話解香腸，但係其實都可以係一種熱狗，一條腸係熱狗包度，上面再加炸洋蔥碎，青瓜，Remoulade（法國發明的醬）同Ketchup，滋味沒法擋~
（小編住左幾個月慕尼黑，最唔中意食既其中一味就係咖喱腸～）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月19日
