（photo via cc Flickr user OiMax）
由於工作關係小盛女近來經常和某社企接觸，其中一個負責人Kelly簡直令小妹金拜下風，她永遠保持那種不慌不忙的態度，一星期才覆我一次電郵，我就像望夫石一直呆等，於是令整個project進度拖慢十萬倍，阿姐也開始有微言，於是我每天都會發電郵、打電話和whatsapp Kelly。
「喂？唔該搵Kelly吖！」
「佢放假喎！」
「佢出咗去做野喎！」
「佢未番工喎！」
頂！想點啊大佬！唔駛做o架？雖然我都知放假騷擾人是死罪，但死線在前真的沒辦法，只能打手提，無人聽，只好whatsapp，可是每次whatsapp後只會看到2秒「在線上」，接著便是「最後上線於今天xx:xx」 ，然後到晚上十一點多她才會回覆：「今天放假，明天再打給你。」當然這只是個永遠不會兌現的承諾 。
某程度上我真的很欣賞Kelly，放假不聽電話、不覆whatsapp、不談工事，這才是真正的work life balance，我差點忍不住衝口而出問：「Kelly，你公司仲請唔請人啊？」先唔好講話咩work life balance呢d咁高嘅要求，其實對於一個連踩咗20幾日嘅打工仔嚟講，我只係祈求有一日真正嘅假期，於是我決定請一日假。
請假前一晚，加班至零晨1點幾，可還有一大堆urgent工作未交低，只好改請半日假，朝早回公司交低「身後事」。下午答應陪爸爸去做物理治療，可惜「身後事」太多，根本交低唔哂，只好邊走邊同客講電話，掛線後再和B、C、D客whatsapp，有時我會諗，如果我識影分身，你話幾好呢？
「阿女，係咪好多嘢做？不如你返公司啦。」爸說。「唔駛，我話咗陪你。」我知道我冷落了爸，我感到電話不停震動，一定又是某客在whatsapp我。「小姐，入去要熄電話。」物理治療師對我說。我把電話關了，很神奇，由關機的一刻起，我好像瞬間去了另一個世界，心情由煩躁不安變得非常平靜，這是我從來沒有感受過的寧靜。
在短短的兩小時裡我和爸聊工作、聊感情，甚麼也聊，究竟我有多久沒有和爸聊天？每天加班至零晨，回家他們已經睡了，即使還沒睡，我也累得不想再說話，然後早上他們還沒起床我已經出門了。我知道這份工作做不長，但起碼希望能做夠1至2年，拿到社會要求的所謂「工作經驗」，為獲得更好工作而準備的一張入場券。物理治療完畢，電話重開，又再次返回現實世界。「喂？王生？係係，唔好意思頭先電話收唔到。。。」
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月20日
