（photo via cc Flickr user I_Believe_）
Facebook友人（阿仙奴球迷）一句：「呢個球場，比猶長球場仲要偉大！」
我心諗，乜球場咁巴閉呀？誇張！點知……我一望到呢張圖，隻右腳就唔受控制咁郁郁下，唔係香港腳發作，利申我冇。蠢蠢慾動嘅係個鼓「踢波癮」。
男人嘅足球浪漫，係一班麻甩佬響茶餐廳睇波爆粗，「屌！畀我射都入喇！」，啲阿叔最鍾意講。
咁乜嘢係男孩們嘅足球浪漫？
得罪講句，一定係一個放學後既足球場，加一堆著住校服既中學雞。「波呢？粒波係邊個到？「乜唔係你帶咩？」「屌…即係又要買粒新。」
成班人一打鍾就衝去球場，要罰留堂既都唔留，理得你，成班扔低個書包，就追住個波踢。請注意，大家著住既唔係最新款既Nike波Boot，而係……黑皮鞋，鞋頭已經踢到灰晒。
其他有預備既同學仔，有啲就著白飯魚，有啲就「高級白飯魚」。咩話？唔知乜係高級白飯魚？算數啦！你可以上一頁喇。
大家都好傻好天真，會因為琴日條友唔肯傳波而反面，但又因為聽日組織到球靚波而GIVE ME FIVE。
由響場邊唔識踢波，一年後變到懶係識踢波向場內大嗌「跟隊！」，畀人大炒，再過一年慢慢夾得埋，終於修成正果，變到大炒人。
贏波開心，但最開心既係識到一埋同學兼波友，踢完波就一齊飲枝汽水，so pure，So true。
每日番學就為咗放學踢波，時間過得好快，過得好簡單，你唔洗諗個日呼吸為乜。
當中每個人都妄想過自己係戴志偉一扭十，唔__交波。
當中每個人都妄想過自己完場前一下倒掛反超前，做英雄。
當中每個人都妄想一齊拎班際冠軍，畢業前留個紀念。
但到咗呢刻，呢啲「妄想」真係成為咗妄想。呃…唔係，係諗都唔好諗！
想再約出黎踢一場波？
戴志偉要番工，小志強要拍拖，梁仔經已移埋民添…！咁林源三呢？哎，佢幾號電話都唔記得喇……
咁你自己呢？不如自己落球場練下腳指尾拉西？痴線，拉西？今晚開OT幫上司 ____ 就有你份。
最後，工作枱上面一盞白燈照住一張當年既合照，你都係忍唔住，左問右問，拎齊電話，開咗一個Whatsapp group，「地上最強踢波團！」，然後Send咗句「Hey咁多位巴打，幾時再出嚟踢波？」
「唔踢都一齊出黎食個飯，睇場波？」
無論最後約唔約到都好，呢班波友都係中學回憶錄入面最重要既一班人。
連陳妍希都唔夠佢地重要。
點解？
因為我地係讀男校囉。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月20日
