申請德國工作假期及讀書簽證攻略

NEUER

(唔好問小編點解配呢張圖,係作者要求架LOL,我懷疑佢好中意新哥~)

 

去德國讀書也好,Working Holiday也好,都係要申請Visa(編按:普通旅遊則可免簽證在180日內逗留90日)。咁香港人申請Visa大致分為兩大類,一係學生簽證,二係Working Holiday簽證。去德國之前,要知道自己需要咩簽證:

 

1) 學生簽證簡介

去德國嘅學生簽證有分咗三款,第一款係Study Applicant’s Visa(學位申請人簽證),係比嗰D想去嗰邊讀大學但係未收到入學通知嘅人,通常會同Student Visa一齊申請;第二款就係Student Visa(學生簽證),係比有意去嗰邊讀大學而又有正式入學通知書嘅人;第三款係Language Course Visa(語言班簽證),係比只係想去德國進修德文嘅人申請。如果你想一讀完個語言班就喺嗰邊讀大學,你係需要同時申請埋Study Applicant Visa/Student Visa,否則你係需要喺語言班完咗之後返香港再申請過簽證。而我上年去嘅時候因為未搞報大學嘅手續,所以只係申請咗語言班簽證,之後到後尾有大學收咗我,我再去德國駐港總領事館搞簽證。

喺三款Visa入面,語言班簽證會係最麻煩同等得最耐,要等大約六至八星期,而普通學生簽證就四至六星期,所以其實都係要預早去搞簽證。

 

2) Working Holiday (WH)簽證簡介

十八至三十歲,持有BNO/特區護照嘅香港人可以申請為期一年嘅打工假期,去打每份唔多於三個月嘅短工賺旅費。由今年七月一號開始,香港有三百個WH嘅配額比人申請。

咁搞學生簽證也好,Working Visa 也好,準備充足係必需嘅。首先講下要帶嘅文件,雖然清單喺德國領事館個網都有,不過申請過Visa嘅都知道,其實領事館有D隱藏要求嘅 (下文已Highlight嘅部份)

帶唔齊嘢佢地塊面黑過emoji隻blackmoon,同埋更重要係唔會幫你process個申請。

 

1. 兩張填好咗嘅表格(表格可以喺領事館度拎同填)
-表格係德文,不過有英文對照所以唔洗驚
-表格右上角有藍色嘅欄目,記得寫自己嘅中文名同職業
-地址一行未知住邊嘅可以寫住Hostel位置,又或者係收你嘅學校名
-表格最後記得寫返自己聯絡電話

2. 三張證件相(兩張係用嚟癡喺表格度,一張係就咁比領事館職員)

3. 你嘅護照,不論係BNO定係特區護照,都係要有六個月有效期

4. 大學入學信/語言學校取錄通知書

5. 學歷證明:HKDSE/HKALE/HKCEE/大學畢業證書,總之係證明你有足夠嘅學歷去讀書

6. 德語證書:如果你係去嗰邊用德文讀degree,又或者係讀語言班,你都需要一張證明你語言能力嘅證書

7. 財力證明:Bank statement, 銀行儲摺亦都可以,只要Show到你喺德國期間有每個月659歐洗就可以。如果係屋企人財力上支援你去德國嘅,你就要帶埋佢本人上領事館辦手續,簽一份財力擔保書。 如果好似我為例,我阿媽比錢我過去,我就要帶埋佢上去之餘,仲要比埋出生紙佢睇,證明我地嘅關係。

8. Employer’s leave letter

9. 保險:因為你去到嗰邊先會買保險嘅關係,所以申請Visa嘅時候只需要Show一張One way 嘅旅遊保險比佢睇就無問題。

10. 無犯罪通知書:如果你係有意留喺德國超過十二個月,你就需要向警方申請。不過呢份文件聽職員講係之後交嘅,唔需要喺申請開初就交。

 

Working Holiday 嘅文件要求大致上同學生簽證差唔多,唔同嘅係你要出示埋回程機票嘅itinerary,到埗頭一個星期嘅酒店itinerary,同埋顯示到你銀行至少有二千歐嘅銀行儲摺。

 

記得一定要帶文件正本,影印一式兩份(上述講嘅出世紙都要),唔係英文或者德文嘅文件要翻譯成上述語言,同埋要帶等值60歐嘅現金港紙上去做簽證費,大約預650蚊港紙無走雞。如果你帶唔齊嘢,影唔齊印,一定比人黑面~夠膽寫包單,因為申請兩次簽證,一次語言班簽證,一次學生簽證,第一次搞簽證上咗去三次先正式遞到簽證申請,仲要因為填漏比人黑面 lol

 

black moon 黑面

 

搞掂哂所有文件,下一步就係要上領事館。領事館喺金鍾統一中心二十一樓,港鐵站D出口。佢只係開08:30-11:30,(辦公時間好似德國啲政府部門咁短,當地嘅每一間「民政局」(Bürgeramt)每一日都開唔同時間,領事館開放時間算好易記lol) 所以一定要晨咁早走上去。搭電梯,一上到去轉右你會見到有個保安喺門口,佢會叫你擺低所有嘢,包括電話手袋喺指定嘅儲物櫃,你只可以拎住條儲物櫃鎖匙,文件同銀包入去,之後過金屬探測器檢查無問題就入得搞簽證,擺低文件,比錢就走得(如果咁順利的話),返屋企等電話。如果唔記得影印,領事館樓下個商場都會有得影~不過一上一落哂時間之餘其實都係會比人無限黑面,所以都係執齊嘢先好上去。

之後就係無限嘅等待,打電話或者親身上去問都唔會知幾時有簽證,因為佢地總係會話佢地都唔知,要德國當局先會知。(唔好唔記得德國係傳波最叻嘅世界盃冠軍lol)不過網頁寫要幾耐通常都係幾耐,唔會早但都唔會遲。

 

希望大家去德國嘅第一關都過得順順利利 😀

 

作者:Cmw Boni

閱讀後覺得好,請多多讚好及分享~:)

其他熱門文章

  • 梅媽的神奇小子 by 鳩文瘋
    呢兩母子真係好神奇~幾乎全家都死哂,得佢地兩個日日係度獻世。…
  • 【遊戲介紹】肝度十足元素豐富 《Len’s Island》耕種建築探索戰鬥樣樣俱佳 by 五木
    遊戲種類有好多,不過人係貪心嘅,好多時會得一想二。好似《動物森友會》各方面都做得好好,然後你就會諗如果地圖大啲 […]…
  • 【外賣仔日記】我與Uber Eats 的回憶 by 外賣仔
    Uber Eats 系統的運作有如一瓶飲料在工廠中製作的流程相近,由飲料製作,到飲料裝瓶,都是預期所有事情發生非常暢順,例如預期飲料由輸送管裝入瓶時,塑料瓶保證會在預定的位置等候,毋須預計塑料瓶沒有適當地放置在指定位置,導致飲料灑滿一地…
  • 何謂「格屎」? by 潮文社
    至於個小朋友講嘅「響格屎」,絕對同安格斯、吔屎無關。「格屎」係指社團單位,問人「咩格屎」,即係問人屬於咩社團、咩幫會,多數會用「瓣」作為量詞。例如格屎哥就講:「響格屎啦!你邊瓣咖?」,邊瓣「格屎」,即係邊個社團。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 82470
Date: 2014-08-20 16:35:22
Generated at: 2021-12-08 18:44:59
Permalink: https://www.vjmedia.com.hk/articles/2014/08/20/82470/申請德國工作假期及讀書簽證攻略