蔡東豪背後的金主靠山

蔡東豪FB PAGE 圖片

蔡東豪FB PAGE 圖片

 

主場新聞摺了,我有個炒股徒弟應邀上網台去講兩句,唔講由自可,一講主持們都露了底,其實大家對蔡東豪的財經生涯都是一知半解。蔡東豪的金主是肥佬黎,這個實在是不言自明,大家都知蘋果財經版的《金融中心》就是課金的來源,沒有太多補充。但今次想講另一個蔡生金主貴人,就是Johnson Ko 高振順。

高振順是福建幫的財技高手。福建幫是股壇一個派系,這個派系的高手可以超高,高到做波鞋做廁紙都可以做到成份股,低手可以低到上市兩個月,主席夾帶私逃,將公司市值蒸發一半,港交所硬膠膠得個睇,這事還是近期發生,不謂不兇殘。關於高先生的介紹,網上很難找,他很低調也不接受訪問。股壇上已知的事實上,高生是財技高手,尤專將工業股重組拆肉賣殼,本身只是尖沙嘴的一個小裁縫,後期做外匯,之後有近百億身家,手上有幾隻殼,連美國雇傭兵組織黑水的創辦人Erik Prince都可以請來,面子超大。他的門生個個天皇巨星,盧永仁、吳征、楊瀾以及蔡東豪都是其高足。

 

很多人都以為蔡生的精電(710)內地有廠,經常往返來地,所以來往大陸香港會有白色壓力,蔡生在這點也說得模糊,大家也以為就是這個樣子。其實不然,蔡生在精電的角色只是人頭,負責「養」住隻殼,湊合湊合搞些業務,因為精電做一百年的盈利都唔夠佢班財技圈中人做一單重組咁好搵,我之後會講多少少。所以,來往內地是有必要,但未必是為了精電。另一點,大家會說蔡東豪每份工做不長,所以摺了主場也是意料之外,我對個推論結果無補充,但對於個前提有少少野想講。其實蔡生轉工次數不是想像中這麼多,在傳媒的發展大家自然留意到,其實在財經界他表面上轉左好多次工,做過不少上市公司的高層,其實做黎做去咪又係高生的殼公司入面的要職,換湯不換藥,名乎其實一路走來,始終如一。這是他離開ibank之後的故事。

我覺得蔡生不做主場,和高先生有多少關係。做財技不想高調,是非常合理,搞財技當中有不少灰色地帶。財經界有一例子,有個專教人上流的教主,又出書又搞講座,本身也是搞這敞渾水,他背後的莊家金主非常生氣。唉,嬲起上黎真係好似太陽咁溫暖架。講返正題,事關高先生最近做近一單超級大刁,當中的利益關乎共產黨內部、中共軍工果班人、澳門幫等等。這隻就是近期兩個月內由0.3升上3蚊的英發國際(439),我是做股票的,盡量少用股票的Jargon去講吧吧。英發本身係就黎破產,之後高生執左隻殼返黎搞。簡單D講,高生和一個叫劉若鵬的科學家同幾係友用成本$0.08批左43.5億可換優先股入股呢間公司,而呢個劉若鵬會將自己的研究項目注入呢間公司。呢間公司而家股價3.2左右蚊,即係如果班批可換優先股轉晒做股票,呢班友而家帳面賺緊超過100億,仲要隻股票故事係未完,因為仲有幾個科研結果未公佈。這個劉若鵬是習近平重點關注的軍工科學家,佢而家研發緊的科技超扯,係隱形衣和臨近空間飛行器,唔好問我咩黎,我估計係好似Ironman果D推進器掛,唔撚知。呢個軍工科技係中共重點開發,因為話說習近平上任南巡只睇過兩間公司,一間係科網龍頭騰訊(700) ,另一間就黎劉若鵬的光啟。當中可能跟習近平一系的利益有關。

 

蔡東豪背後的金主靠山

詳情可以參考:
习近平在深圳考察的深圳光启研究院,你了解吗?
香港交易所旗下披露易網站文件

 

我唔知到底呢個軍工科技開唔開發到,但這個劉若鵬是海歸派,也在學術期刊登過一些講隱形物料的學術文章,好似有料到。如果開發到,這個軍事項目是非常值錢,但其實開發唔到都無關係,因為股市從來都是泡沫,就咁搞一搞,班友已經可以撈夠油水。君不見那個光頭軟飯王幫地產商炒果隻蒙古能源(276),初初咪又係講到個礦成幾百億,屌你而家一粒礦都挖唔到,莊家咪又係贏晒。至於,澳門幫又點關事,具澳門背景的金利豐證券(Kingston Securities)在這次項目有份參與,至今已經放了6.54%貨比散戶,應該也贏了幾個億吧?如果朱太幾勁都唔識,咁就真係有眼不識泰山了。若說蔡生要摺主場,我相信這個利益關係比起精電更糾纏有更多油水,高生同中央行得咁近,施少少壓力不難。加埋佔中同而家的政治氣氛,如果背後個利益咁大,高生真係不容有失。

 

蔡東豪背後的金主靠山

截圖來自:David Webb Webbsite, 英發國際於今年6月16日至8月22日的持倉變化

 

我個人和蔡東豪有數面之緣,我對佢印象不錯。當然,我知道佢在股市點殺散戶,點將把市場舞高弄低。坦白講,我是中環人的思維,玩得股票的人就是貪心,就要服從物競天澤,有贏有輸,輸了只能怪自己技不如人。他是偽善,但至少也搞了個幾有影響力的媒體,中環人只看結果,他至少對新媒體發展有付出,不能抹殺。我對於他的職場際遇也極之羨慕。

此文獨家只供輔仁,在人家場子讚了競爭對手幾句,還望容總海涵呢,嘿嘿。

 

 

作者:渾水

渾水

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 82775
Date: 2014-08-23 15:33:15
Generated at: 2020-08-11 05:31:02
Permalink: https://www.vjmedia.com.hk/articles/2014/08/23/82775/蔡東豪背後的金主靠山