（photo via cc Flickr user Tom Page）
從不留意時事的80後 model朋友Heidi在fb上寫道：「港活生生嘅狗仔喺路軌，港鐵啲火車都可以直接撞埋去。如果我有行動不便嘅家人跌落路軌，港鐵又會唔會話佢喺月台下面，應該安全而唔停車博一鋪呢？乜準時開車真係比生命更重要咩？我唔明點解香港而家會變到咁，我細個果陣地鐵都唔係咁嘅。」她工作上某個曾關照她，名叫叫Angela的60後公關阿姐駡她將事情政治化，無限放大。Angela說：「唔通為咗隻狗停晒成條鐵路兩個鐘呀，香港人好忙架，唔似得你班後生咁得閒成日出嚟搞事。」
Heidi她很委屈，但礙於工作關係又不能反駁Angela，她跟我訴苦道：「我已經算係政治冷感，但而家有隻狗仔畀車車死喎，點解佢可以咁平常心對待？」我安慰她道：「80後無論是政治冷感還是對熱衷，喺某啲長輩眼中都係搞事分子，無分別架。」此時Heidi哭了：「而家港鐵明知路軌上有隻狗都仲通車，稍為有啲常識同人性都唔會由佢畀車車死啦，以前香港啲大機構都唔係咁冷血，如果第日我年老咗行動不便，唔小心跌咗落路軌，唔通港鐵又嫌我阻住條路，繼續開車？」我想答Heidi她是過慮了，然而，她真的是過慮了嗎？
80後從小到大的教育，80後認為是真理的價值觀，近年都在一點一點地崩壞。港鐵指的說法是：「我哋落路軌搵過架啦，仲有職員因為救狗而英勇受傷呀，不過見佢都算安全咪照通車囉。」港鐵的潛台詞就像是，我哋該做都做過架啦，你哋仲想我點先？上一輩有些人看了後大表認同，認為交通順暢遠比一條狗命重要吧。80後不明白，香港人不是從來都當狗是最好的朋友嗎？為什麼好朋友的生命原來比不上列車準不準時呢？而最可笑的是，平時港鐵又不像對故障延誤這麼在意，這種混亂的價值觀令80後不能理解。
我跟Heidi說：「之前機管局話起完第三跑道之後，啲海豚可能會自己返嚟。咪一樣係令人髮指，但如果發對嘅話，就又負上阻住香港發展，背上阻礙香港航運嘅罪名。」Heidi說她又不明白，小時候到海洋公園參觀時，不是教育我們海豚是人類的好朋友嗎？為何又要為發展毀了好朋友的家園呢？說着說着，本應停止了哭聲的Heidi，又再嗚咽起來。
我不懂安慰Heidi，因為80後和月台上的狗，和將會無家可歸的海豚，又有什麼分別呢？我們被困路軌上，迎面的是名為發展的列車，我們想螳臂擋車，但其實都會被無情輾碎；我們想捍衛家園，但卻被上一代指責不向外尋求機會，一方面看着家園被歪理支配，想死守舊日價值，卻被指摘不合時宜，最後失去了家園，又失去了出路。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月23日
