時常思考小孩子嘅修養問題。
首先，筆者要「行申」一下：本人未婚，沒有小孩…說到這裡可能已經有幾打「媽咪級」太太群起用輕蔑嘅語氣話筆者無資格講湊仔經。然而由於工作關係，筆者每日在學校「閱兒無數」，小學、中學、大專都有，而且身邊唔少親朋好友都有小朋友，耳聞目見好多別人嘅育兒經歷，所以尚算有丁點資格談談孩子的問題。
經常聽到唔少嗲哋媽咪話：「唉！我唔識教，等佢返學，老師會教佢罰佢」；有些更不付責任嘅更會話：「係呀，佢由細到大都係咁架，我都無辨法。」的確，而家嘅媽咪大多係職業女性，而嗲哋亦都忙到不似人形，朝九晚五O埋T，返到屋企已經夜深，有幸嘅可以同小朋友食個宵夜，講埋BEDTIME STORY，不幸嘅就只可以親吻一下瞓咗嘅寶貝，從工人姐姐或者爺爺、嫲嫲、公公、婆婆口中探知寶貝嘅生活逸事。到星期六、日或者放長假嘅時候，父母都好珍惜親子時間，帶仔女遊山玩水，呵護備至，買玩具食雪糕，一方面要彌補平日唔能夠陪伴小孩成長而錯失咗嘅時間，另一方面以「呃呃氹氹」嘅方式同小朋友相處，免除不少扭計嘅麻煩。
筆者一方面同情要為生活而拚命工作嘅父母們，另一方面卻要義憤填膺的說一句：「你自己唔教，唔好寄望學校嘅老師可以教好你嘅仔女」。
儘管有部分父母每日只係同小朋友相處好短時間，塑造孩子性格、習慣、修養最關鍵嘅人物始終係父母。一旦父母以消極放任甚至溺愛縱容嘅態度去處理小朋友嘅違規行為（如扭計、無禮貎、發脾氣等），其他照顧者（如工人、親友等）絕大部分都會跟隨父母嘅方式去照顧小朋友，免得父母不悅。相反，如果父母以不姑息不妥協嘅態度處理小朋友嘅違規行為，其他照顧者亦會依照父母嘅尺度去處理小朋友嘅問題。
其實小朋友打從出世開始已經以身邊嘅照顧者為模仿同學習嘅對象，好多習慣同性格都會由此漸漸形成，特別係基本嘅自理能力同待人接物嘅態度。如果喺正式返學之前呢個關鍵階段處理不當，返到學校佢只會用自己習慣嘅方式對事對人。就算咁好彩俾小朋友遇到一個佢怕怕嘅老師，佢頂多只會在學校乖乖，在學校以外嘅地方佢依然會踩住照顧者嘅底線過日子。
小朋友長大後成龍定成蟲，唔係靠銀彈，一對一私人樂器/語言/儀態/面試班、歐美遊學團同幾十萬一個小學學位唔足以令小朋友成才。相反，打好小朋友做人處事嘅根基，態度正確，就算無銀彈，你嘅小朋友都可以有一番成就，貢獻社會。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月24日
