無書枱係咪好大不了？

貧窮要幫，呢樣嘢我相信無人反對。點幫，幫乜嘢，呢到先開始有爭議。

社協最近話貧窮小童無書枱，又引起好多人不齒同恥笑：「喂我以前都無書枱喎，咁又點呀？」

我明白一定要搵一樣「睇得到」、「有代表性」嘅嘢做 soundbite ，做代表，做象徵，報紙傳媒先會報，喂你而家鬧，都叫做有談論件事丫，總好過成件事無聲無息無知無覺丫係咪？

但係一搵呢啲事出來放大同做代表，就難免被人覺得「唔係掛」同埋有少少貪心嘅感覺。等如圖中呢個幾千萬嘅單位，都要整張推入去嘅床啦，咁唔通我話因為佢連一張 proper 嘅床都無，要「朝拆晚杭」真係好慘呀政府應該幫下佢地呀，咁咩？

所以每當拎一件事來放大做象徵時，幾乎肯定有呢個問題出現。講真，無書枱係咪好大不了？我真係唔覺，而放大呢件事，只會被人覺得社協班人大驚小怪。

請搞清楚，呢種感覺，唔．代．表話窮人唔應該幫，只係由呢一點切入，說服力係唔強。感覺就好似，強調捐完血有朱古力奶飲，叫大家快啲去捐咁，唔係唔得，怪囉。

但唔好意思，我真係無其他更好方法可以提供。所以我只係 share 返幅舊圖，講返香港人唔係冷血刻毒涼薄無知，而係好自然嘅普通人反應啫。

作者：林非

離經，不欲縛於經書舊說，欲自成一家自成一經。八十後，以追求人生自由之道為己任。

閱讀後覺得好，請多多讚好及分享～：）