（photo via cc Flickr user Rizka Budiati）
我記得妳經常說要減肥。
這晚不像昨天般下著大雨，妳再沒有藉口說，都係聽日先跑啦…！妳穿起那對Nike跑鞋，看一看，怎麼還像upload在Instagram那張相一樣新？原來已買了兩個月，那時為了鼓勵自己多跑步，七百幾就七百幾，貴一點，舒服一點，動力也多一點嘛，還要是妳喜歡的螢光粉紅。
妳終於踏出家門口，唔…狀態不錯，今晚應該能跑上一小時。10K，其實唔難。一步，兩步，腳步越來越重，不行了，提不起腳，整個人想沉下去…堅持，再堅持多一會兒，嘎…嘎…到了！到……電梯口了。可以休息一下，不過家住六樓，電梯很快到。
噢……怪不得總好像欠了甚麼未做，原來忘了熱身：打卡，影相，「Wont’ stop keep Fit，Summer, I’m coming！」。
跑了十分鍾，妳後悔，後悔為甚麼前晚這麼放肆，放題吃得那麼狠。我都唔想架，中學同學Gathering好難得架嘛，妳為自己解釋。那麼，大前天那杯Häagen-Dazs呢？那件藍莓Cheese cake呢？那份脆香雞翼、那串咖哩魚蛋呢？妳又再解釋，哎呀！唔食飽又邊有力減肥呀……！
其實妳不是那麼不懂節制，把第N輪刺身放入口時，妳跟身邊的Winnie說，我係咪食得太多，個肚都突晒出黎…她說，唔緊要啦，食一餐半餐無野既，我咪仲肥過妳！妳被說服了，快快樂樂的吞更多。妳看不到她的奸笑。
一餐又一餐，不自覺的，妳身邊總出現一兩個魔鬼，把妳催眠，妳不肥，妳不肥，妳真的……其實肥了很多，嘿。
飯後，妳看看他們，腿瘦、腰幼、零肚腩…妳好奇，追問之下，原來Jessica有做開Gym，男朋友修體育，當她的私人健身教練；原來Carmen每晚跳鄭多燕跳到汗流浹背；原來Julia在這餐以外，平日節制飲食。
一班人的狂歡，原來不是一班人的寂寞，而是一個人的肥胖，而那個唯一，是妳。
不經不覺，妳已跑了，三十分鍾，又再想，減肥咁辛苦，早知就唔食咁多…點解我要係女人？XS…S…M…XL！？Oh My God…妳諗起二十年後的自己…如果我係男人，我一定唔會笑自己女朋友肥…你知唔知，見到啲好好味既野，但係有得睇無得食係幾咁痛苦…食咗又內疚…照鏡唔開心…唔開心又要搵人出氣，所以你唔怪得我成日發脾氣，一日都係你，點解你要笑我象腿？四十分鐘，妳分不清滴下的淚水還是汗。很累。
妳鬆一鬆筋，慢慢行返家中，坐一會兒，沖個涼，開大個冷氣。
大概運動過後，妳心情好起來，很滿意今天自己的努力，真的沒有放棄，跑了一個小時，妳走近雪櫃，打開……
「唔！跑得咁辛苦，食一件Chocolate Brownie獎勵下自己先！」
Instagram: Shakepearelove
FB PAGE:
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月27日
