啱啱收工見到大家不停些牙人大常委就普選方案既決定。嗯，無真正普選完全係意料之內啦。陰功豬，你睇晒成個近代史，中共由創黨開始走數紀錄豐富，你又無拳頭又硬唔起，憑咩認為師承蘇俄風格以不擇手段見稱既香港衛星及傀儡政權會找數？人地食硬你，怕你有牙？
一直以來，由於有民國政府時代遺留落黎既國民教育影響，敗北後移花接木咁搬咗去中共度，再加上華人個種明君心態，香港人對所謂既祖國有極度偏離現實及不切實際既幻想同期望。例如每次中共換人都期望個領導人會好似全能全知既上帝咁解決晒中國加香港既問題，又或者國人會突然起革命迎接民主自由，然後中港台從此過著幸福快樂既生活。結果，呢啲幻想一年又一年咁浪費香港人最寶貴既時間去保護自己最重要既核心價值，更矮化自己以為自己只係天下皇土既一粒鼻屎，中華一日唔變天自己就乜都唔會有。屌你，我係中共見到你地班白痴仔咁樣作繭自縛，唔掩住半邊嘴笑柒你地on79，再自稱呀爺睇住你地成班on9以為自己一定要做孝順仔，都對唔住自己啦。
要同中共或任何蘇聯系既政權討價還價，從來都唔可以有一絲軟弱，因為蘇共祖訓係用盡任何手段去獲得勝利，滲透分裂，文攻武嚇，製造輿論手到拿來。要同中共呢類無賴講數，就必須要有寧為玉碎既意志，而唔係登高毅行咁柴娃娃既精神勝利。
愈講愈嬲，成個泛民咁多年黎，除咗安份守己做個無牙反對派之外做過啲咩實質行動去「結束一黨專政，追究屠城責任」？無囉唔該，有成堆盲人都見到既內鬼係泛民度有無清過黨？無。有啲妖魔鬼怪彈出黎，有無做任何反擊同起清對方條線？唔覺有。有無企圖執政既意志，零呀！
仲有，點解泛民一直得肥佬黎肯畀錢？回歸後咁多有錢佬畀中共玩，大劉收皮，連李嘉誠都要走，有無人去拉攏本土權貴？無。反而有堆人屌鳩資本主義就十分落力。連敵我輕重都分唔清，我係有錢佬都畀唔落手啦係唔係？
好啦咁，得個屌字，你有咩建設性既野呀？香港可以做啲乜？無架，屌，你當我孔明再世？泛民已經不再可靠，八仙過海各顯神通，化整為零由自己做起，似乎係唯一可以做既事。香港就好似火車軌上面隻狗咁，就睇你夠唔夠薑越過黃線救佢上黎啦。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月27日
