M記新品不是夢

（原載於：http://kevin20cents.wordpress.com/2014/08/28/m記新品不是夢/）

自從M記響麥樂雞重出江湖同時，又新出咗隻「新地蘋果脆」之後，有網友開玩笑話佢只要將任何兩樣現有產品合埋，就可以係一件新產品。

有圖有真相，呢樣嘢響早餐時段，已經成真。

留意到未？

平時有食開M記早餐嘅朋友，應該知道佢唔配薯餅嘅「醒晨早餐」有隻包叫「芝士雞堡」，即係麥香雞塊雞配豬柳蛋嗰隻 muffin 包，加埋芝士，一路係放響醒晨早餐餐牌最上面位置。今日我路過一間分店望望張海報，咦？點解海報最頂嗰隻包個樣唔同咗啲？

望真啲，「芝士魚堡」？！

係，你無睇錯，將芝士雞堡塊雞換成魚柳，就變成一樣新產品鳥。

我心諗M記應該係將早餐時段嘅魚柳包換咗個 muffin 包，「配合早餐時段主題」啦，點知更詭異嘅事情就發生嘞：望望早餐個主餐牌，竟然同時仲有普通魚柳包發售！

M記出新產品 — 呀，係玩 mix and match 至真 — 嘅能力，實在令人佩服佩服。所以，網友 FF 嘅「泰式麥樂雞」、「雪糕薯條」，絕對不是夢。

（同場加映，點溝都得）

作者：奇夫

九十後一名，教改下的雙重末代生還者。在一所離地的大學，主修一門離地的學科。興趣涉獵範圍極廣，中新聞毒極深，閒時非常留意城中政局世界時事，偶爾吃飽沒事幹就寫寫文出出推，推多而文寡。

閱讀後覺得好，請多多讚好及分享～：）