（原載於：酒在超市）
去完馬來西亞返嚟，第一件事更係寫番幾篇先啦， 但諗下諗下，上次飲完HONG KONG BEER ， 已經伏伏地，唔係太想飲，但最衰自己開左個頭話第一篇，仲有兩支，把心一橫不如快手飲完出耐佢，唔少酒友回覆都話唔 LIKE 。。 再係咁 UNLIKE 添呀… 咁小編一於一次過寫哂2 支係呢一篇度啦。
其實放埋一齊都岩，因為飲完，又中伏啦。唔多野好寫，不如寫哂俾大家睇下小編點伏法。
第一支係佢地嘅 GOLDEN ALE ， 一開始陣味就係大家最衰個陣醉酒佬身上常有嘅啤酒味（身邊女仕可能會形容係麻甩佬味），泡少而粗，仲有少少油益味。 飲落… 無乜好講，一般最普通嘅啤酒味… 苦得嚟酒精感覺幾重，明明得4。6度。 最慘係唔覺得爽快同清涼，可能小編唔太識欣賞 …
另一支係佢地嘅黑啤，亦即係 STOUT ， 基於之前對呢個品牌經驗 ， 都唔詳細講佢咩味，泡唔滑又苦得嚟無回甘 ， 總次就似飲緊炒燶左嘅咖啡豆沖出嚟嘅齋啡，即係又酸又苦…
其實小編細諗， 佢都好似香港咁， 話就話有三個候選品種 ， 一樣係無大家提名 ， 都係同大家講， 有酒 真係唔飲 ? 飲住先啦。
【酒名 / LABEL 上最大個支字】HONG KONG BEER 香港品牌GAMBLER’S GOLD ， GOLDEN ALE ， SEVENS ， STOUT
【產地】柴灣， 香港
【購買地】百佳
【價錢】HKD$22 兩支
【性價比】小編心中只諗到呢句 : 歡。迎勇者嘅挑戰 …
【啤酒小知識】Pilsner 啤酒可以話係啤酒歷史當中最後生嘅啤酒風格 ， 其實最早出現於 1842 年捷克嘅一個城市 Plzen ， 亦係一個意外 。 及後唔少釀造者跟風 ，最後命名為 Pilsner ， 亦係當初第一間釀造呢種啤酒風格嘅酒廠名 。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月29日
