寧為玉碎，不作瓦存

TVB 截圖 by Francis Fong

中共人大將會於今日（8月31日）投票決定下一屆香港的特首及立法會選舉方案，佢哋表決後，就由特區政府作出諮詢，然後由立法會投票決定是否接受。現時中共同賣港團體不停放出風聲，指出如果香港人夠guts拒絕中共人大的方案，中共同港共就會擱置討論十年。所以就四方八面放風，警告港人要「袋著先」，唔係就一拍兩散。

細閱過去幾十年中共治國歷史，都是以強權治國，無論對非漢族嘅圖博及新疆，又或者南方嘅省份如廣東省，都是以北方漢人嘅標準及利益行先。某程度上，中共潛意識上係Ernst Haeckel提出嘅優生論支持者，佢哋一直有一種北方漢人嘅優越感，覺得其他地區，包括圖博及新疆，以及廣東等南方各省係比佢哋差，所以就用唔少冠冕堂皇嘅口號去破壞其他人嘅制度及文化：喺圖博及新疆，中共作出殖民式統治；喺廣東，佢哋迫廣東人放棄母語廣東話；喺香港，佢哋用各種方法去破壞香港的三權分立及民主制度。甚至去到外國，例如新加坡，加拿大及歐美各地，都以為自己比人優越，當被人否定佢哋嘅觀點時，就上綱上線話人歧視。呢種意識形態，只要一被人利用，就會演化上類同納粹主義嘅恐怖意識，席捲整個中國漢人社會。所以，我會將一位台灣朋友對中共嘅描述作出引申：中共喺披著馬列主義嘅納粹式帝國主義侵略者。

事到如今，香港人可以點做？我哋喺唔喺要忍辱偷生，去聽港共講，去接受一個荒謬嘅選舉制度，然後再去談判？理性嘅我話我聽，既然港中雙方喺普選嘅分歧嚴重，香港人就唔應該作無謂及自殺式嘅讓步。我們應該「寧為玉碎，不作瓦存」，向中共同港共嘅欺世假方案說「不」，然後向全世界投訴中共嘅霸權行為，提醒佢哋如果縱容中共胡作非為，就會好似喺1930年代縱容納粹德國一樣，即使犧牲香港幾百萬人嘅幸福去換取所謂和平同合作關係，最終都會被中共反咬，得不嘗失。喺呢度，我主張香港人要向香港立法會仍未賣港或企圖賣港議員嘅施壓，要佢哋否決方案。

作者：奇雲

作者為旅居海外的一名前香港公務員。現時在海外做人之患。

閱讀後覺得好，請多多讚好及分享～：）