2104 香港小姐 冠軍 15號 邵珮詩 TVB 圖片
由細細個到而家都覺得香港小姐係好靚好Elegant，雖然唔會發夢有日走去選港姐，但每年都會睇港姐決賽。
先唔好講有某屆年港姐冠軍，N年前果班又真係無論冠亞季質素都超哂班嘅。
到左呢幾年TVB加入民選賽制，不得了有得參與有得贏獎品，上年我都有份投票。睇住排名由最後一位開始宣佈，到最尾知道自己心水凱琳BB贏左，仲開心過自己當選。（好似係）
但今晚，我到呢個時候都未接受到成件事。十個佳麗，到篩剩三甲嘅過程，目標指向明確到唔使猶豫，好彩唔係叫我排三甲，唔係我都唔知點排好。
「3，11，15。」「我都一樣跟祖藍 3，11，15。」見住呀叻哥呀DODO呀個個話心水有佢地份，心諗今次實無死啦。點知公佈果陣， 學呀志偉哥話齋，真係咩都有可能發生 ，連見慣大場面嘅佢都O哂嘴。
到咗呢個時候，我先真真實實咁感受到背後嘅悲哀。無論網民幾like你，係幾鶴立雞群嘅大熱門，唔揀你就係唔揀你，有份投嘅連點解三甲係佢地都未必知。好彩應屆港姐三甲有碩士又有高材生，都叫做美麗與智慧並重，如果再絕d淨係比兩個沒女級但熱愛TVB同TVB周刊嘅人你揀，我諗我都係會為左部AUDI，求其揀個，心諗「下屆話唔定1-20都係我地揀呢」。
民選港姐，都係袋住先啦，你估世事真係盡如人意咩。正如我投咗票名車都唔係屬於我，唉，真係嬲嬲地。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月1日
