今晚呀SIR請食女？

（原載於：中環塔倫天奴）

隨便坐，要d咩女呢，老遠黎到，keeper話乜都有得你揀，有巨乳萌系、有素人凌辱系、有獵奇乾屍、 有OL美腳，有秋葉原SNSD。人人有份，慢慢睇。拎住本catalog真係好似大爺咁，滾動得久久不能平伏，磨左陣終於揀好。我地將訴求同keeper講左，之後佢叫我地坐住係大廳等，要等幾耐就唔知，暫時答你唔到。

呀SIR一面講佢做左好多資料搜集，話佢揀果件全自動波馬力強勁坐上去仲好好飛等等，睇左巴打d賽後報告好耐，今日一定要黎試。

一粒鐘兩粒鐘，呀SIR作為東道主忍唔住露了少少下馬威咁話：

「我件姣底迷你倉井空 Ruby 呢！」

我當堂即刻想拍手吶喊，有問題就要SAY！呀SIR不愧為我大佬，型，係精神既！睇場隨即叫左個阿蟬過黎，同佢講，佢都係細粒巨乳，摷住等，唔駛錢，等多陣好快，摷住先摷住先老細，Ruby就到。

吖，又好似幾好service，幾為客人著想，算。

頂！之後等到天都光，九都縮，乜都未等到，諗住走人算數唔玩，點知，位位唔走得，因為頭先呀SIR摷左幾下阿蟬，阿蟬响到做清潔執房既，佢地呢到做正當生意，摷過，要告返呀SIR轉頭咁話。

雖然係阿SIR請，但四個大男人乾等無做過野…飲左杯茶，摷左兩下，位位$2800落樓，仆街，真係好L後悔。著數，真係唔可以隨便拎。

我地象徵式位位比返$20車錢阿SIR，回家睡覺準時返工。

日子，如常咁過，

只不過係，阿SIR永遠見唔到RUBY水滴滴的一天。

作者：中環塔倫天奴

欲擺脫大氣候的磨蝕，反被中環安撫着心靈。在中環替人寫寫字，講講故的80後。

閱讀後覺得好，請多多讚好及分享～：）