八月尾九月頭真係刺激過搭過山車，八月尾大陸人大公布香港人需要食屎，冇普選，然後民主黨最尾都係冇「佔中」，更加唔好講「三子」。「三子」喺三十一號變咗太鼓之達人，打鑼打鼓，點知都係冇「佔中」。學聯學民又上咗台，話要追擊李飛，又話香港進入「全面抗爭」嘅年代，我X，真係有一刻以為佢地會話要趁班民主老人收皮果時「佔中」，點知係搞罷課，唔緊要，我支持嘅，但你唔好搞成咁丫。
我參加左個罷課大會，以為下個禮拜就黎料啦，原來學聯學生會話要喺九月廿二號罷課，去「公民廣場」、「百萬大道」集會「一個星期」。我聽完成個會，一直都冇出聲，心諗，X，究竟做乜X呢？再見到「戴子」同外媒講「佔中」失敗，我更加混亂到核爆……罷課究竟係咩一回事呢？
正常黎講，睇番寶島班年輕人搞野百合、太陽花學運，佔領立法、行政院，一啲冇能力、冇心理準備，但又想參與抗爭嘅學生就會啟動「罷課」配合運動，升級事件。而香港學聯同學生會又點呢？依然係保住「社運升級論」，做失敗主義者，喺明知自己所做係冇用嘅情況下照做，目的話想令大眾關注喎……然後再慢慢升級。
喺「戴子」宣布咗「佔中」失敗，暫時都唔會做嘅情況下，「罷課」會搞成點呢？好易想像姐，就係搞咗一個禮拜之後，大家感覺良好，打過飛機咪散BAND囉。唔會係一個配合「佔中」又或者其他佔領行動嘅運動，只不過係「表達不滿」嘅「公民教育」。照番佢依家個計劃，我唔知底細啦，啲人成日話學聯KEEP住底牌喎……一星期之後，大家上完公民課，「罷課不罷學」，展示到對於「公民提名」同「爭取真普選」嘅決心，罷課又成為咗「都市傳說」，比文匯大公屌成廢青、走堂……
再睇下「罷課」嘅訴求。我有做功課架，兩間大學學生會發表咗「罷課宣言」，下，罷課宣言係唔係罷左果時大家齊集咗再宣言好啲呀，發左宣言又兩個幾禮拜後先罷。等到花兒也謝鳥。
究竟幾時罷？身邊關心時事嘅同學都咁樣問我。我就答佢：「我討厭政治。我都唔知。」我跟唔到呀，今日中大學生會結論又話會改，究竟幾時先罷呀？我好混亂呀師父？我咁「關社」都唔明學聯班友想點，不如學聯你地講兩句，講清楚啲啦好冇？
我就好認同罷課嘅，但係你班友唔好咁拖拖拉拉啦，快手罷咗佢，講清講楚Detail，我即刻同你去，冇限期。明明係傳達學聯意志MESSAGE，又要搞個大龍鳳罷課大會做公開同學討論，你知唔知好Q熱架？
以後等班民煮回龜派開始收皮，候生仔可以勇敢啲出黎佔鬼左佢啦，點知仲係咁，唉。
利申：我意圖分散民眾注意力，我只係識屌，我屌學生，我冇建設性。我係民主罪人，共產黨最高興。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月5日
