上手遺物多羅羅

（photo via cc Flickr user shino 誌野）

新上任幾日，仲努力摸熟緊部門文化同埋同事偏好既階段。想盡量了解多啲身邊既人事，又唔好意思下下出聲問，不如返回座回追蹤一下上手留番俾你既線索！

被帶住繞場一周簡單介紹後，最重要既幾位記住了！終於可以埋位，一坐低就職業病發作，第一時間伸手開電腦，跟住就想插USB線幫個電話充電，當然第二樣忍住手無即時做，免得誤會我掛住「篤」電話。環顧一下新座位，貼滿左黃色紙仔，就好似一排小鴨鴨排住隊等我睇。雖然有好多睇唔明既代號，但係做開野既人都知呢啲小小筆記通常都係寶，所以我索性將佢地全部留低，到用得著時候自己再係上面加減下，逐少逐少積累成為獨家秘笈！

上手已經好有手尾為我編寫左一份長達七版紙既handover list，六箱滿滿既文件散落係地下，再加上千個檔案係電腦。壓力有，心裡準備其實都有，但掩飾唔到一絲絲不安感覺‥‥

而上手遺物唔單上係肉眼見到既，仲有呢個職位一直以黎建立千絲萬縷既人脈關係。咁岩我上手同我英文名相同，大家好易就記得我，佢地更加主動同我分享上手farewell lunch既相，話我知佢係點樣，有機會認識下！嗯，我真心希望認識到上手既Bear，因為佢係呢度逗留左三年就成功升職兼取得鐵飯碗！

上手遺物多羅羅，可以由每樣物件，每條痕跡，推測到自己需要具備咩條件去傳承呢個職位既基本要求。千祈唔好嫌無用丟掉舊物，參考歷史比重意開始更有意思！

作者：HR熊

人事部工作既小妹，見盡唔少公司既「人」同「事」，係呢個平台上一齊分享職場上既苦與樂，笑與淚。Facebook: https://www.facebook.com/hrbear.dairy

閱讀後覺得好，請多多讚好及分享～：）