被帶住繞場一周簡單介紹後，最重要既幾位記住了！終於可以埋位，一坐低就職業病發作，第一時間伸手開電腦，跟住就想插USB線幫個電話充電，當然第二樣忍住手無即時做，免得誤會我掛住「篤」電話。環顧一下新座位，貼滿左黃色紙仔，就好似一排小鴨鴨排住隊等我睇。雖然有好多睇唔明既代號，但係做開野既人都知呢啲小小筆記通常都係寶，所以我索性將佢地全部留低，到用得著時候自己再係上面加減下，逐少逐少積累成為獨家秘笈！