（photo via cc Flickr user davejdoe）
人愈大，佳節彷彿愈黎愈悶。
「中秋節快樂呀！=)」
你望住手機螢幕傳黎既訊息，只係覺得有啲冷冰冰，一聲循例既問候，唔會令你喺呢個落雨天既心情變好。
以前既中秋晚上，一食完飯，你就嘈住要落樓下玩，好興奮咁點起一枝又一枝蠟燭，放響傳統燈籠入面，慢慢咁套起，好驚佢會熄，好驚佢會熄……最後無熄到，但燒著咗成個燈籠！
或者你路過玩具鋪既時候，仲會貪得意，買黎一個大白兔燈籠，試圖再一次點起童年，但燃起既只有一份孤單。
再無媽咪拖住你隻手唔畀你亂走，再無三五識七既細路同你玩蠟燭，就得自己一個人，同一個月亮底下，原來一切已都不再一樣。
幾年前既中秋節，屋企總會堆滿一盒又一盒親朋戚友送黎既月餅，多到你食唔晒。
無依家咁多款式，就得個啲咩咩雙黃白蓮容，但你食得好開心。阿媽將佢一分四，同你講，「阿仔，一次唔好食咁多呀，最多兩舊好啦。」你慢慢食，首先食晒啲蓮容，最後先嘆個黃。
依家愈出愈多古靈精怪既款式，你反而會諗，到底我係食緊雪糕，定係食緊月餅？你都係鍾意傳統月餅多啲。
其實你仲有一班朋友，佢地會問：「喂！難得中秋節，出唔出黎玩？」
你知道其實無咩野玩，只係一班人乘機約出黎傾下計，你好想去…有啲想去…唉算喇，都係唔去，番咗幾日學，幾日工，唔知點解已經好攰，唔似以前咁玩成晚都仲好生猛，
已經冇咗煲蠟個份明知不可為而為之既勇氣，唔想認你都要認，我老喇……
人月兩團月既今晚，你只係想一個人靜下，開住冷氣，食碗面，睇下電視，上下網，就係咁簡單。
於是，你同你班朋友講，「下次喇，下次見。」
下次係幾時，其實無人知。
的確係好孤獨呀！但係你已經開始習慣，仲幾享受，一個人自由自在，傷口好似都唔再痛。
番到屋企，攤係張床度，你終於搵到一樣值得高興既事，唯一一樣，連嫦娥重返地球都比唔上呢樣咁開心，就係月曆上面既嗰一個，紅日。
聽日終於有假放喇！
呢樣先係中秋最快樂既地方。
對於童年已經悄悄消失既我地。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月8日
