（photo via cc Flickr user CollegeDegrees360）
每年八、九月，不但是大學生和準大學生迎接（各種意義上）精彩的新學年開始的月份，同時也是他們添置或更換新電腦的最佳時機，各大學的notebook ownership programme，單是那街外找不到的3年保養，已能成功令不少人狗衝。
而對一眾略懂以至精通電腦的毒男狗公來說，這其實也是他們狗衝心儀對象及/或娘娘的大好時機。觀音兵替娘娘砌機、整機的故事我們早已聽得多，對不善社交或與女性相處（師奶例外）的毒男來說，電腦也許是除AV、打機、動漫、偶像女團以外僅能搭得上嘴的話題，故在砌機、整機以外，這個買機的季節也是他們自感能大展拳腳的機會。
「呢部有i7、行SSD、隻13.3吋mon係高清1080，雖然係就冇得加ram，但係呢個價簡直抵到爛啦！另外嗰部平千零蚊，不過粒U得i5，又冇USB3.0，真係一分錢一分貨……」大學三年從未出pool、現在原校讀master的Robert發現在兼職中新認識的女同事最近想買新notebook，立刻自動請纓把自己的買機quota讓給她，並十分殷勤地替她分析不同型號、牌子機款的好壞。
難得終於有個不是說要買蘋果MacBook的心儀對象，一定要好好把握機會表現自己對電腦的認識，讓她留下一個好的印象——Robert如此心想。一想到之後能藉拿電腦給她而能跟她共進一頓下午茶，即使是要把電腦從薄扶林運到上水，要在三十幾度高溫下在被走私客霸佔的擠狹道路中提著電腦左穿右插，也無怨無悔、心甘命抵。
「係唔係即係貴啲就快啲？其實我都係要嚟上下網、facebook、睇下劇，有時可能會執下相咁，你覺得邊部啱我多啲？我想要部輕啲嘅，同埋可唔可以用返Windows 7呢？Windows 8個樣完全唔同我驚我會唔識用呀。」
聽到如此愚蠢的問題，Robert心中不禁有點不屑，特別是其實Windows 8根本可以轉回傳統界面。但他隨即又轉念一想：女仔唔識電腦好正常，呢個反而係我表現自己可靠一面嘅好機會。於是他費盡九牛二虎之力全方位分析、陳述各機種之優劣，從SSD跟傳統harddisk的運行原理差異，到display卡的性能皆不放過，差點連i5-4210U個「U」點解也要講解一番。
「嘩，乜咁複雜嘅？我有選擇困難症架，都唔知點揀好，不如你都係比幾日時間我諗諗再覆你啦！」也許是因為訊息量很大而未能消化，更有可能是因為感受到Robert的過份熱情，那位女同事最後未有即時作出決定。
小弟是在兩天後才得知此事，隨即表示覺得其實沒有需要如此詳細地對不太熟電腦的人解釋電腦的規格，notebook只要用得順，唔易壞、輕身已經好夠。怎料Robert卻回答說：「＿你，買機點可以唔睇spec架？揀機如揀女，有樣靚、波大、幼腰、正腳嘅，唔通仲去揀啲冇樣冇身材嘅村姑咩！」
其實對Robert和小弟這些毒男來說，假如有女性不嫌棄與之交往，已是前世積來的德；況且揀機絕對不同揀女，前者是待價而沽的死物，後者是生而為人的主體。雖然小弟曾經想如此力陳己見，但為免被Robert用更多粗口問候，最後選擇了沉默，小弟認為沉默是必要的，況且可憐之人必有可恨之處。
看到這裡的各位讀者，如果命運能選擇，買機應否睇規格？大概一如你們的預料或期望，這個故事是bad end收場。結果那女同事一直未有回覆，等了三天Robert終於忍不住主動whatsapp她，怎料卻獲告知「我已經買左機，唔使麻煩你啦！」。句末那個親切的笑容emoji，在他眼中不知怎的突然很像高登的369。
「早兩日同阿偉講開，佢話佢女朋友新買嗰部samsung又靚又好用，我就即刻走左去買啦，其實我之前都想買架啦，《星星》千頌伊嗰部呢！」阿偉也是他們的同事，只是asso畢業，卻有一個拍拖多年，打風都打唔甩的女友。
Robert不明白，為何會被不是競爭對手的阿偉破壞他好事。正如他不會明白為何阿偉學歷比他低也會有女朋友，亦正如他從未明白自己的死因。即使有單身女性朋友不買蘋果機，也從不等於他這種電腦毒男有可乘之機，因為世上還有一種他們永遠無法理解的顏色，叫蘋果綠……
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月8日
