早前無意中看到一篇寫女性毛髮問題的文章，說浴室去水位佈滿女友頭髮，令男仕覺得很討厭、很趕客及很倒胃口。沒錯，小盛女有時看到屋企每個角落都佈滿頭髮也覺得很煩厭，可是我也不想的啊，你以為我可以叫頭髮不要掉下、叫皮膚不要老化、叫身材不要走樣、年年保持青春18歲嗎？別傻了，可別忘記從前是誰溫柔地摸著這把長長的秀髮說很好看不要剪掉。
除了頭髮，其實身上所有毛髮都會令女人感到非常苦惱。世界就是這麼不公平，男人有毛是型，甚至可以換來一句：「好Man啊！」可是女人有毛卻會被人笑是猿人、嘔心，於是女人為了靚，為了不讓男伴倒胃口，便用盡千方百計把所有毛髮除掉。脫毛方法有很多種，用剃刀很便宜又方便但會越剃越粗；用脫毛膏或蜜臘不方便，分分鐘會敏感添；用鉗拔需時長而且痛，於是越來越多人會選用彩光或激光脫毛。
（photo via cc Wikimedia Commons user Justin Nugent）
彩光脫毛費用較低，但需要次數較多而且不能永久移除毛髮；激光脫毛費用較昂貴但需要次數較少而且能永久移除毛髮（佢話）。大多數脫毛中心都會提供一次免費試做以吸引新客戶，於是我便選了那間口碑最好的Dxxxxx，反正免費，當然要選最好的。安全起見，我已經事先做了research，知道脫毛時只會有針吉的感覺，不會很痛，所以我便安心躺在床上，戴上眼罩，準備進行療程。
「嘩！乜咁痛嘅？」
「忍吓啦，為咗靚靚吖嘛。」
「Er。。。可唔可以下次先整埋另一邊？好痛啊。」
「吓？你唔係想一邊有毛一邊無毛掛？至多我開大D個吹風機啦。」
「嗚。。。」
肉隨砧板上的我忍痛完成整個療程，唯一慶幸的是療程後沒有被捉入房狂sell，只是簡單問幾句就可以離開，因為太痛的關係，我也沒有join任何plan便走了，回復用剃刀用鉗的脫毛生活。轉眼間夏天又來了，我再次鼓起勇氣去試另一間激光脫毛Mxxxxxx，我懷著緊張的心情躺在床上，再次準備進行療程。
「嘩！乜凍凍地嘅？」
「係啊，我地每一下激光都會同時噴出冷凍劑o架。。。好喇，做完。」
「吓？咁快？」
「係啊，唔信你自己除眼罩望下。」
Magic！Amazing！於是我忍不住立刻join了plan，半份人工就咁飛走咗，但感覺非常滿足。相信沒有男人會知道脫毛部分可以分得多細緻，或者根本無興趣知，但身為女人的我看到那張脫毛部位圖，真的不得不寫一個服字。依圖所指，一共可分為數十個脫毛部分，包括上唇、全臉、上下手臂、手指、肚線、全肚、比堅尼線、全比堅尼、小腿、大腿、全腿、腳趾等，只是選其中幾個部分已經可以花掉你一個月的薪水，只能說，女人錢真係易賺。所以男仕們，不防多多包容女友的毛髮，否則女友一開啟脫毛之路，只怕你荷包不保啊兄弟。
P.S. 小盛女絕不是美容Blogger，亦無意要賣廣告，只是覺得脫毛這件事實在令人太苦惱，所以想與大家分享而已，絕不要誤會。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月9日
