諾查丹碼士《百詩集》：大災星出現咗未？

公有圖片

喺上世紀末，世界上嘅人驚1999年多過1997年。點解？因為喺16世紀有一位奇人Nostradamus（諾查丹碼士，亦有人翻譯為諾斯特拉達姆士，甚至簡稱達姆士），曾經寫過一首預言詩，預言1999年有恐怖大王從天而降，好多人驚係隕石撞地球，又或者係世界大戰。當然，身在2014年嘅我哋，就知道1999年乜事都無（Well，喺Keroro軍曹，就話有個叫摩亞嘅美少女從天而降，此乃題外話）。

喺呢個亂世，有唔少人會睇預言；當然，您可以睇《推背圖》、《燒餅歌》、又或者再去讀今年政府喺車公廟求嘅籤。不過，我就對兩首喺Nostradamus喺預言集《百詩集》入面嘅詩比較有興趣。先講第一首：

《百詩集》卷6第74首：

（英文翻譯COPY 自此網站）

呢首詩有幾個解讀，不過以上中文版本係劉志俠老師根據一位Nostradamus嘅解讀專家，Hélène Carrère d’Encausse提出嘅意見翻譯，話蘇聯只有73年國運。Hélène早喺1980年代就話（或者咒）蘇聯會喺立國73年，即將會喺1990年亡國，結果比佢開口中。

不過我對呢首詩，有多一個解讀：其實中共在20世紀初，曾經同國民政府合作北伐，不過由於中共試圖奪權，就引致中共同國民黨缺裂，之後一直至二戰時因為要抗日才再次合作，之後中共就表面抗日，其實就就培養誓力再圖奪江山（爭權失敗再重來，對手當作陰謀家），之後就建國；而近年更成為世界工廠，亦同時成為一個帝國主義式嘅國家去騷擾鄰近地區（所獲勝利前未有）；不過，如果您同意我解讀，中共呢個政權亦可能只有73年（七十三年壽必終）。

另一首，就係最出名嘅1999年詩，即係《百詩集》卷10，第72首：

大家都知，1999年7月好似乜事都無；呢首詩有三點係經常有人爭論：

（1）sept mois：字面解第七個月，如果意譯係新曆7月（July），直譯就係陰曆七月（即係新曆8月11日至9月9日），另一個翻譯會喺九月（因為法文7月係Juillet，而9月係Septembre）。所以，有人就提出要留意當年新曆7月至11月初（即新曆7月至陰曆九月完結）有乜世界大事，然後再推敲。喺翻查記錄後，我就發覺只有以下幾件大事值得留意。包括：

7月20日：中共宣佈法輪功係違法組織；
8月：習近平就任福建省省長；
8月11日（陰曆七月初一）：歐亞時區有日全蝕；
8月16日：普京正式就任俄羅斯總理；
8月30日：東帝汶舉行獨立公投；
10月31日：羅馬天主教同路德會和解，等等。

表面睇，「一九九九年七月，天上降下大災星」，可以解做大災星喺1999年7月出生（咁現時應該只有15歲），如果從呢個方向，大災星最快都要20年後先會遺禍人間；另一個睇法，就係大災星喺1999年7月開始掌權，如果係後者，兩位國家元首都有可能。

（2）Roy d’Angolmois：當然，如果您係Keroro迷，您會知Angolmois就係動畫入面摩亞嘅英文名；不過眾多Nostradamus 預言嘅分析者，就認為係講緊5世紀嘅匈奴王阿提拉，亦有人認為Angolmois係法文蒙古人（Mongolais）嘅變形字；所以有人話大災星會係匈奴人或者蒙古人嘅後裔。根據遺傳學嘅分析，北方漢人及東歐人都或多或少有匈奴人及蒙古人嘅DNA。

（3）據Nostradamus喺《百詩集》嘅其他詩上，曾提出後世會有三個Antichrist，大部份專家都話前兩個已經出現，分別係拿破崙同希特拉，而1999年嘅恐怖大王會係第三個。據Nostradamus嘅形容，第三個Antichrist會同之前兩個一樣，唔尊重天主教（因為Nostradamus係虔誠天主教徒，所以佢好緊張天主教安危），亦會發動戰爭（戰神橫行在前後）。

咁到底大災星出現咗未？如果出現咗又會係邊位，大家要諗諗啦。

作者：奇雲

作者為旅居海外的一名前香港公務員。現時在海外做人之患。

閱讀後覺得好，請多多讚好及分享～：）