喺上世紀末，世界上嘅人驚1999年多過1997年。點解？因為喺16世紀有一位奇人Nostradamus（諾查丹碼士，亦有人翻譯為諾斯特拉達姆士，甚至簡稱達姆士），曾經寫過一首預言詩，預言1999年有恐怖大王從天而降，好多人驚係隕石撞地球，又或者係世界大戰。當然，身在2014年嘅我哋，就知道1999年乜事都無（Well，喺Keroro軍曹，就話有個叫摩亞嘅美少女從天而降，此乃題外話）。