一如以往， 蘋果發售iPhone在即， 香港一眾炒家已經摩拳擦掌， 就連一些根本唔知購買程序甚至唔知點炒既網民， 都爭相試圖分一杯羹。 加上今年蘋果公佈iPhone6、iPhone6 plus只在9個「先進國家」優先推出，強國慘遭蘋果貶為第三世界（本應如此）， 令到iPhone6、6plus未發售已經炒味四散！
話說回來，日前有人係高登發帖，話免費派發iBot，之後開始有幾個帖都聲稱免費派發iBot，隨後手機臺而至整個吹水臺都被火速洗版，大部份無知既小學雞新會員加上一些貪婪又愚昧既舊會員紛紛貼上自己既私人電郵，留名加賜酒，以為高登仔會大發慈悲派iBot。
去到呢度， 似乎無人發現自己既個人電郵已經外洩。
莫講話根本無iBot， 就算真係有一個類似圖中既程式， 第一你既訂單係咪真係送到蘋果的伺服器？ 還是根本沒有送出？ 第二因為你怕錯過訂單， 所以你所填寫既個人資料包括真實姓名、電話、證件號碼都是百分百無誤！ 講到呢到， 不難想像點解有騙子打俾你或者你父母玩「猜猜我是誰」、 有傳銷電話騷擾你或者有人冒認你去申請借貸。
以上都可以係一件小事， 唔好彩既唔見幾萬， 好彩既乜事都無。
但係如果下次周融再搞網上公投， 唔好奇怪點解有200萬贊成票， #sosad#
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月12日
