睇完APPLE「蘋果的雙語」完美表現左港台中既中文分別後，你係咪仲認為普教中有助學好中文？
香港家長成日以為用普通話讀中文好呀，我手寫我心，咁中文一定唔會差啦，但好可惜，而家既普通話用語偏偏就係一種失去中國文化優美簡潔用詞既語言。
加大力度、到位、小三、試點呢d大陸terms唔在講，上高登search一search都見到俾人鬧到飛起。但而家既普通話式中文，最鐘意就係重覆意思，搞到成句句子意思累贅，又或者歐化中文，將詞性大兜亂。
隨意上網搵左一段大陸既新聞： 節錄以下既兩段：
「目前阿拉善盟、阿拉善左旗、开发区管委会已成立联合调查组，对污染事件进行调查和整改，具体调查正在进行中。」
「陈主任昨日称，2012年，央视曾对腾格里经济技术开发区违规生产进行过曝光，……….，陈主任回应，这可能是监管上不太到位，企业出现了偷排漏排的现象。」
如果係我寫，我就會咁寫：
「目前阿拉善盟、阿拉善左旗、開發區管委會已成立聯合調查組，正調查污染事件，及重整排污程序。」
而家既大陸中文，好鐘意進行乜乜進行嘜麥，好多時明明本身可以係動詞，硬係要加個進行黎令佢做名詞。就好似上面呢句咁，硬係要多舊魚咁進行調查，仲要後面再重覆，意思累贅，我決定成句 del左去，就算唔del，都係「正進行具體調查」，而唔係「具體調整正在進行中」啦下化。至於整改，初頭我都心諗乜野黎，google左之後原來係「整頓改革」，但係因為對污染事件係唔可以改革，所以我將個賓語改左做排污程序。
「陳主任昨日稱，於2012年，央視曾報導騰格里經濟技術開發區違規生產，……，陳主任回應，這可能是因監管不足，導致企業出現偷排及漏排的情況。」
又係進行，呢個係進行曝光，真係令我諗左陣究竟佢想講咩。另外既係「監管不太到位」，係咪想講「唔到point？」 中文有唔同既詞彙，「不足」、「未達標」、「未夠完善」，都可以更精準咁表達「唔到point」，實在唔需要用「到位」呢個咁抽象既詞彙。
再者，用普通話寫既中文，同我地香港人寫既書面語係普通既詞彙上亦都係有分別 。
例如去街市買餸，香港小學生會寫 「街市」，但係用普通話既人會寫「菜市場」；「豉油」要寫成「醬油」；連食個「飯盒」都要寫成「盒飯」。
唔好話我上面寫既係口語，街市、豉油、飯盒，呢d都係切切實實細個作文時寫既書面語，老師係唔會打交叉既！
但係如果你搵個大陸人黎普教中，你仲想「媽媽到街市買了一瓶豉油和一個飯盒。」? 唔好意思請你改返正做「媽媽到菜市場買了一瓶醬油和一個盒飯。 」
睇到個微妙既分別嗎？普通話既中文，同我地香港人寫既書面語，雖然大家都係中文字，但係當中既用詞係有好大既分別。其中所包含既，更加係文化既侵食，由細講廣東話講到大既你，忍心見到我地既粵語文化一步步消失咩。同埋，用普教中真係唔會有助學習中文。你唔信我，都信APPLE 丫。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月12日
