（photo via cc Flickr user Quasic）
片刻既寧靜，令人嚮往，但係長時間冒沉寂，會觸發強烈既不安感。
星期一難得被隔離組既同事邀約食飯，一行出公司大門，大家把口就自自然放監啦！吱吱喳喳講唔停，係樓上既時候，只係得的的搭搭既打字聲同隆隆既影印機聲覆蓋整個辦公室，後生既一輩心底裡清楚知道多餘說話唔能夠多講，講咩隔牆有耳，根本一班老油條光明正大係你周圍不停出現收風，將你講既一一記住，有咩得罪隨時變成將來評核見紅既原因。
其實好奇點解隔離組既同事會主動搵我食飯，因為雖然大家都係人事部，但係呢度工作係非常獨立運作，極少需要同其他組既同事合作。我第一時間係諗到佢地係為左將來係可以收多啲風，仲有……仲有咩原因呢？
原來係我太小人之心……「阿熊，你初黎步到，會唔會好唔慣呢？不過都唔怕既，你個邊既同事同掃把好厲害，其中兩個坐底有廿年經驗，瑰寶黎架！」，「阿熊，我地呢邊就多後生仔，大家傾得埋啲，你多唔多帶飯架？有時可以一齊約出黎食飯吹下，唔係日日屈係上面唔講野會口臭架。」，佢地一心只係怕我跟著老前輩既風格，每分每秒要保持正經認真工作會又辛苦又悶，所以主動拉番我入「八、九十後谷」！
我個組既同事同掃把，都係一份工由頭做到尾。係呢個年代同佢地合作其實衍生唔少問題，我由私人公司跳去公營機構，第一個感覺係腳步放慢左，生活平衡左，私人時間多左。不過係工作上我著實領教唔少「恃老賣老」既情況，佢話一你唔可以話二，下下拋自己多年既經驗出黎作為標準，你唔好懶醒俾新諗法，只要聽話就得，係適當時間識做就足夠。最好講少句野，正經野請email，私人事對佢地少講為妙，乖乖地咁你做好晒野準時收工唔會理你。由於制度既玩法係睇年資升人，係似乎無競爭既環境下，呢批老前輩諗法就演變成咁。
如果，沉默係道理，應該要開始學識靜靜封嘴工作，上班等下班，再……等上班？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月13日
