【廣告觀點】Kai人

（原載於：廣告狂人）

作者：Tom Chung

Kai人，即Client，但主要指「Kai的Client」。

有時，客戶可以挑通眼眉，如徐緣。

但有時，客戶可以很「Kai」，你懂的。

今時今日，廣告無孔不入，預咗啦。

拎起手機，睇乜app都好，都是廣告界的戰場。

戰場，總是用來分勝負。

入得戰場打得仗，有邊個想輸？！

廣告人，好鬼要「面子」，就算沒有「裡子」，即使要「輸」，都唔想「輸得太難睇」。

若然做一個廣告，做完之後，唔敢認係自己做，都幾慘，因為，連夜通頂，把青春和生命都貢獻給了一陀屎，那是真正的悲哀。

廣告人出橋，當然有好有壞，但壞極，都不會「不合理」，因為，不合理，就是一陀屎。

而這次分享的手機廣告「浚峯」，是一陀貓屎……

我唔相信，世上會有一個廣告創意人員，會認為這是一個極具賣點、能帶動銷量增長、提高品牌認受性的廣告。

跳出創意崗位，我們嘗試從用戶角度去看吧。

「喂！想點？」

這大概是大部份人的反應吧。

冇Visual唔Appealing、字體太細睇唔清、唔知頭唔知路……

呢啲唔係叫「Out of the Box」，簡直係「Out of the Universe」—-Out到一個「不合理」的地步。

「不合理」，通常是「神」才會有的邏輯。

而廣告界中的「神」，不是David、不是黃霑，是「Kai人」。

因為嚴格來說，這個不是廣告，是「Announcement」，是「Kai人」為了迎合某些法例上的要求而必須公開刊登的Announcement。

而一般來說，Announcement應該與廣告主體同時刊登，並駕齊驅，偏偏，「Kai人」把這個Announcement「獨立」了。

但是，老實講，乜Announcement唔可以Appealing多啲啲咩？

「Kai人」心裡的盤算，跟廣告人不同：「要靚咪即係要做多一個Layout？做多個Layout咪畀多一浸錢廣告公司囉？我賣樓，你估真係靠廣告咩？」

「Kai人」邏輯，自有道理，但長遠來看，公關工程做得不好，「舔到盡」機心無限放大，廣告budget都要慳，你估起樓佢唔同你「度」到盡？！當民眾要討伐「地產霸權」之時，這類「Kai人當道」的企業，首當其衝。

這樣還算是聰明嗎？

（編按：現時一手樓規管條例，發展商必須有一個獨立的頁面作出這類聲明。這個聲明本身的設計連繫著整個樓盤的網頁，字體驟眼看來雖然不大，但手機用戶可以用手指放大觀看文字內容。當然，作為售樓網站的首頁毫不吸引，但法規還是必須遵守，發展商也有無奈的時候。）

作者：廣告狂人

心繫本土廣告，同時放眼世界。

閱讀後覺得好，請多多讚好及分享～：）