香港浸會大學學生會 文學院學生會 圖片（感謝授權採用，轉載請自行洽談）
身邊有個80後設計師男性朋友，叫Dave，他自從三年前和那拍了拖數年的80後女友分手後，自此身邊女伴不停像車輪轉。他那些女件都有個共通點，都是20歲以下的青春少艾，嬌艷動人，身邊男性朋友自然又羨慕又妒忌Dave。阿Dave對朋友的恭維說話表面上受落，也像樂得當作自豪之處，但那自信的笑容背後，卻總是有點落漠。
Dave有次跟我說，他選擇那些20歲以下的少女，不是一種喜好，而是一個迫不得已的選擇。我當時還笑駡他在說風涼話，但阿Dave卻很嚴肅地反問我：「知唔知點解我近兩年換女朋友換得更密呀？」我直接回答，因為我覺得他是花心和咸濕，在享受了那個少女的青春肉體後，便立刻轉換下一個，都是些典型的咸濕男人心態吧。阿Dave苦笑，搖頭：「如果我話畀你知每一次都係我畀人飛，你又信唔信呀？」望着眼前的長髮，長得有點像《Love Generation》年代木村拓哉的Dave，我不相信，我再笑駡道：「喂Dave哥我唔係你啲妹妹仔，你唔使同我嚟扮受傷浪子呢一套啦。」
Dave再次苦笑，就像世間沒人了解他的苦心，他幽幽地解釋：「我係得個樣呃得下人架咋，啲唔識嘢嘅小妹妹咪覺得我好有型，頭髮長長，做designer，好似藝術家咁。」的確我也認為這個是Dave的賣點，我也相信他身邊那班少女，應該是被他這個賣相吸引了。
他續道：「但我做咗呢行都咁多年，都係搵得萬幾蚊，都唔知夠自己食定夠佢食啦。小妹妹不諳世事，初初我帶佢行去海傍，即場畫幅人像掃描畀佢佢都覺得浪漫架啦。但係當佢哋上咗大學，或者開始出嚟玩識得多幾個唔同人啦，咪會知我呢啲只係畀到啲便宜浪漫佢，nothing more架啦。佢見人哋同學仔有男朋友送個Chanel畀佢，自然就會諗點解我剩係可以送張爛鬼紙仔畀佢。」
少女知道真相後，自然就會離開。Dave只可以找下一個不諸世事的少女，期望她一直保持無知。但每一次當少女為了現實而離開，Dave卻做不了什麼去阻止。旁人以為他一定是為了性的歡愉找下一個，但實際上，你只是有口難言，還是要去承受被拋棄的痛楚。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月14日
