iloveapps.hk 圖片
iloveapps.hk: 《炒賣小心，消息指Apple年底前共推出8,000萬部 iPhone 6 應市！》
平時當談到新科技時，不少老一輩總是嗤之以鼻，愛以嘲笑口吻去教訓新一代浪費金錢追求新產品，或安上沉迷於當低頭族的罪名。但當推出新iPhone時，說法就不同了。老一輩一看到iPhone推出的新聞時，便主動去問80後新iPhone何時有得賣。
80後難得與老一輩首次就這些科技產品「啱咀形」，一老一少言談什歡。老一輩婉轉地問80後：「你估今次新iPhone邊部多人買呀？」80後心領神會，那句潛台詞便是，邊部炒得起？80後如實回答：「大芒果部掛，之前蘋果都無出過呢啲大芒手機。」老一輩滿意地點頭，並叮囑80後，緊記再發售那天，替他買兩部。「買嚟研究下有咩咁受歡迎都好呀，唔啱用咪放返出去囉。」老一輩如是說，80後點頭表示認同。
尚在求學的90後看到平日最討厭人炒水貨的80後，和最支持人來香港搶水貨的老一輩，在iPhone一事上似是達成共識，甚為氣憤。90後上前質問80後：「你平時最討厭人炒炒賣賣，點解今次又參與埋一份先。」80後答道：「手提電話唔同奶粉公仔麵，又唔係必需品，我覺得唔可以相題並論。」90後不屑地道：「咁你同講竊書不算偷有咩分別先，原則就係原則！。」
80後聽後沒有動氣，只是苦笑地道：「你而家仲讀緊書，有人養，從來唔使為金錢煩惱，當然可以企喺道德高地批判我啦。我唔同你呀，我都係打工仔，搵得唔多，而家物價又貴。我只係想喺唔會傷害到人情況下，賺返少少零用姐，我唔覺得我有違背自己嘅原則呀。」
90後一聽後，覺得80後只是再為自己放棄原則的行為開脫，失望地收了口。老一輩在旁聽着，覺得很得意，忍不住加了把口：「平時你哋企喺同一陣綫，成日怪人炒樓炒奶粉呀嘛。唔炒邊得世間財呀，香港人係要靠炒炒賣賣先發達架啦。」平時80後聽到這種言論，一定會反駁，但奈何今次又覺心中有愧，默不作聲。90後心想，其實老一輩也是炒賣之下的受害者，活到一把年紀也買不到一層樓，不明白為何老一輩這種時候總愛扮既得利益者，為炒賣行為開脫。
那一刻90後暗自跟自己作了個承諾，他一世也不會參與任何炒賣的行為，他不想成為80後，更不想成為老一輩。而80後則決定到賣iPhone那天，他不會教老一輩如何上網買，也不會幫他買，縱然今次80後像是違背了原則，但他也不希望讓老一輩這樣自鳴得意。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月15日
