南生圍：香港最後的肺

肺，可以係來自瑞士山區善長人翁捐出嚟賣五十萬；亦都係可以用嚟頂的，當然可以用嚟玩的。如果講到香港的肺，可以去米埔，但去米埔要搞好多手續先去到，唔係個個都去到。唔想咁麻煩，但又想去到見綠草，可以去南生圍。

想去南生圍可以係元朗西鐵站行入去（元朗西鐵站唔係元朗架），當然可以坐巴士，然後再行入去，但架巴士半個鐘一班，與其等巴士等到出哂汗，何不行到出汗呢？由元朗站行入去，由朗和路行入蠔洲路，但中間要行一段沿渠的小路，然後再沿住南生圍路入去就得了。

上圖係到蠔洲路的畫面，已經開始遠離煩囂，遠離樓盤。

大約行多一陣，會轉到入南生圍路，個到有Ｄ檔口仔，可以作補給，飲下自家煲羅漢果茶或菊花茶，亦可以見到堆羊仔。

係南生圍路到，可以望到鄰近地方個邊，南生圍係一條單程路，有時都會有車過，所以可以行落車路，有車經過就行番上行人路。

終點在望，對面係元朗工業邨。再行多一陣，已經到咗一個大草地。

呢到係好靚，同埋你可以青青河邊草，如果繼續行落去，可以去到TBB古裝膠劇個果碼頭，但太多人圍住個碼頭影相，所以影唔到相。

再行去，會有一條分叉路，一條路係可以繼續行番出元朗，另一條路就係行入去坐橫水渡，但去個日已經開始下雨，所以去咗坐橫水渡，之後行多陣會有小巴入元朗巿中心，可以搵地方食飯。

肺，其實好容易受到破壞，吸下廢氣，食煙，我地個肺會受損患肺癌，真係可能去搵瑞士肺移植獲新生；但香港肺已經見一個少一個，佢受到破壞，係冇可能搬部分亞馬遜森林移植落嚟香港，幫香港換肺，必須守護最後的肺，將地球送俾香港的大禮，傳俾下一代。

作者：威廉軒

閱讀後覺得好，請多多讚好及分享～：）