每次假期返香港，同好耐冇見既朋友食飯既時候，成日都會俾人問：
「你係上面讀書，有冇入黨吖？」
「你身邊係咪好多同學都係黨員黎？」
「大陸人是咪好易入黨o架？」
其實入（共）黨，又邊有咁易吖……佢地諗得太天真了。
要入黨，需要過完一關又一關，好似打RPG 咁，分分鐘煩過申請出國讀書呀真係。不過偏偏大學係最適合入黨既時機，而且黨員身份係大陸讀MASTER同搵工都方便D，所以身邊有唔少同學不厭其煩地嘗試入黨。以我學校為例，大致步驟是咁的：
如果想入黨，首先要向學院既黨組織提出申請，寫入黨申請書。然後以班作為一個單位，每學期由全班同學投票，由申請入黨的同學中選出兩至三人進入「院黨校」（即係由學院提供，學習共黨思想的課程）。如果成功俾選中入到院黨校，咁就踏出左第一步了。不過入黨申請書有「嚴格」既要求（但其實好多人都係抄範文的），而且好考人緣，呢步其實都幾難過架。
成功踏出左第一步，正式向黨組織靠攏之後，要參加由學院提供的黨課，稱之為「院黨校」。內容不外於共產思想呀，馬列主義呀，中共黨章之類的。讀完一學期要參加考試，過左就可以有「入黨積極份子」既稱號，至少叫有番個名份。不過要考試入格，其實唔易。每學期大約十幾人上院黨校，合格既人唔到一半，如似我身邊唔少朋友都係肥過一次先成功的。
有左積極分子既身份，就可以入校黨校，亦即係由學校舉辦既黨課程。讀既難度比院校高好多，又要背黨章，又要記住某年某月某個會呀某某某同志做左啲咩「重大決定」，得到啲咩「積極影響」之類既野。讀完之後一樣有個考試，合格一樣唔易，但係只要考試過左之後，離成為「同志」就不遠了。
其實考試PASS左之後，要做既野就係向組織交材料（即係資料咁解）同埋等。首先要搵自己屋企所在地既派出所証明你身家背景清白，然後再做一個「個人自傳」同若干篇「自我鑒定」 ，繼而搵兩個黨員同志做你「介紹人」，幫你寫幾篇鑒定簽個字再交晒上去。如無意外，審核過左之後就係「預備黨員」了啦！
預備黨員個朵雖然有黨員兩個字，但係仲未算正式入左黨，要等組織用一年時間觀察，冇被人發現你做左對黨不利既事，先可以向住黨旗宣誓入黨架。由預備到正式入黨既過程稱之為「轉正」，入黨一刻亦都係所有申請人「最期待既一幕」，有左黨員身分同黨員証，咁就可以以黨員同志自居啦。
由申請到真係入到黨，少則兩三年長則…畢業之後都未完成到又繼續煩落去。當然唔同學校程序上會有D唔同，好似有學校係冇Step 2. 直接由Step 1 跳到Step 3的。不過咩學校都好，入黨申請、黨校、考試、交野再等轉正，都係少不了的。又要有緣又要有智慧又要有忍耐力，所以話，世界最大黨真係唔係話入就架。
至於我有冇入黨 ? 香港人入黨比大陸人仲要煩好多，咁煩既事我點會做吖！
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月20日
