Tom Tso 圖片
「哈哈哈，阿強，真係叻仔，考入左公開大學。」
全屋鴉雀無聲，唯獨阿爺笑得口都合唔到，唔知係阿爺笑得真係太大聲，笑聲變成霸氣震懾左全家人。定係本身香港空氣越來越差，除左丫爺之外，全家冇人笑得出，重不時用手遮住對眼或者個口。
係呀。 我就係果個叫阿強既人，一個很普通的名，相信係千奇百怪香港有千千萬萬既阿強，而我就係其中一個。今年升上左公開大學，寒窗苦讀左十年，係中學生涯中，我冇玩課外活動，冇溝女，更加冇女會去溝我，頂多每日係學校行個圈咁，最後果幾年我連DIY呢樣作為男人最後標誌既野，都戒除左，相信我係高登既戒J POST中已經到左神才可知道既世界。咁多年來好多人係我身邊問得我最多既一句係：屌你咩 點解你可以咁冇志氣！ 而我每次都頭也不回咁答佢地，因為我相信讀書可以脫貧…
事實上我到左今時今日都開始時不時反問自己呢句說話究竟係邊位高人同我洗入腦既。對於得到不答案既結果同葡萄論一樣，我都係果斷放棄。
係冇人出聲既環境之下，我選擇企起身行入房拎起手機上高登。見到有巴打分享左出來既堅料話今月新出既iPhone6 可以炒到上萬蚊銀。我如夢初醒，投資才是王道呢條金科玉律，不斷係腦中徘徊，打心一橫就同阿哥提出左人生第一個企劃案，最終達成借貸集資再抽成既基本原則。
係9月16號 早上7點45分我就起左身，奔去電腦前，打開個網頁，右手按滑鼠，左手預左按爆F5既，作戰狀態。8點正，我隻手出緊汗，我強壓住自己緊張既情緒，一步步咁過關斬將，係8點05分，我成功完成左呢樣任務。我冇咩特別既感覺，因為一路順住過，我直頭開始懷疑自己買左5S。
19號我一去到銅鑼灣既旗艦店，重以為自己過左羅湖，一大幫講普通話既強國人企晒門口，如捕手般守株待兔。每當有港人拎個白色盒出來果陣，都會如蝗蟲一般飛撲咪去，如果有直升機係上升錄底睇番既，我相信不失係個奇觀，但係我深信一陣我行番出來果陣，都係會作「獵物」般俾人看待。
果然當我一拎住盒白色「飼料」出來時，飛蛾撲火般強國人急急腳過左來「搶食」，每個人都用自己功力於幾秒中吟唱出同語言但不同內容既銀碼：「你的是多少？iPhone6還是iPhone6 PLUS？ iPhone6 16GB八千 賣不賣？」、「16GB八千五、八千五」、「最後一口價九千」我企係門口兩分幾鐘，原因無他，我想格下iPhone6既16GB可以放到最多幾錢。跟住我就回也不頭咁衝出蟲群，搭地鐵去先達。
果時都過左午時，見有少少肚餓，所以行過去先達隔離既小食店整左幾粒魚蛋。突然有個人拍左下我背脊。「靚仔唔好意思，你踩住我既紙皮。」係一位貌似年過八旬既老婆婆，咁我一向有教養就即刻縮腳同講左聲「唔好意思。」當呢位老婆婆彎下身想拎起張濕漉漉既紙皮果陣，兩位應該岩岩放完iPhone6既師兄邊行邊笑，手中又拎左一疊金牛同五百蚊紙咁行過去，又將本身已經就來解體既紙皮再踩多幾腳，老婆婆無奈的表情掛係臉上。我企左係到，我好想突然大吼一聲：「屌你咩，你見唔到個丫婆彎左個身想汁果張紙皮咩！！」但係我咩都冇做，眼望兩道背影離去，跟住行入先達，賣左部iPhone6。
行出去先大果陣，天開始落微雨，我左手邊企左一位著住西裝既師兄笑住咁傾緊電話「笑什麼？畜生你也是香港人 哈哈哈」
我行出先達，慢慢冒住微雨行去地鐵站。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月20日
