中國聖人嘅金臉，市值一萬億港幣

望住學生開始罷課，心裡很不踏實。諗諗下，我發現，香港嘅「中國」問題，包括普選問題，原來又係源於中國人「愛面子、唔錯得」。

本來，人生就應該不斷犯錯，從錯誤中學習。但中國聖人，卻從來不會犯錯。佢哋只會在「正確無誤」之中，殺人放火無所不用其極。

我哋先用科學方法，將某些中國「聖人」仔細研究，將佢哋嘅特點作一些大膽假設，看看得出甚麼結論。我哋發現，中國「聖人」其實並不是 infallible 的。但佢哋被指摘時，都喜歡做語意分析。從「『白馬』非馬」、「『竊書』不算偷書」、「『holy shit』不是粗口」、「『粵白』不是『粵文』」這些例子中，不難看到華夏文明的偉大承傳。

然而，以上都只係書生所言。中國嘅聖人，以前係皇帝，而家係中国共产党。無可置疑，中共高層的確係由精英組成，並非一般書生能及。雖然科舉已廢，但中共高層咬文嚼字之功力，仍然十分了得。香港七百萬人，從來冇諗過「普選」一詞原來可以解作「欽點兩三個人任你選個夠」。呢種神邏輯，只有最偉大嘅中國聖人先諗到出嚟。

中國聖人苦思十幾年，將《基本法》四十五條搞完又搞、將「普選」二字撚完又撚，千辛萬苦，終於搵到沒有違反基本法嘅「普選」方法。如此窮花心思，所為何事？北京干涉香港內政，本來就係自尋煩惱，愚不可及之事，點解要做？無他，亦都只係「唔錯得」。「萬一選出黑社會大佬」、「萬一新特首同中央對抗」、「萬一特區政府搞港獨」……咁中國聖人咪好撚冇面？

而呢個「面子」，真係好貴。為咗避免「萬分之一」嘅可能性，中國聖人花費不非。建制派發動反佔中遊行，人數約十萬，每人車馬費幾百至千元不等。就只一個遊行，已花費幾近一億。如果中共肯以一億維護《萬分一的面子》，咁《一個完整的面子》當然值一萬億。

人大常委關於香港普選嘅決定既然頒下，香港人反對，分明就係要將中共《一個完整的面子》整個拉下來。香港人爭取普選，有沒有付出一萬億嘅決心？學生發動罷課，對中共嘅一萬億有沒有動搖？

我並不反對罷課，但竊以為罷課絕對不能動搖中共《市值一萬億完整的面子》。要中國聖人放下面子，首先要自己放下面子。對於好多普普通通嘅中國人，包括上述中國「聖人」，亦包括筆者至親嘅人，要佢哋放下面子，真係好難。就算全港學生罷課，亦未必說服得佢哋放下執著。未能齊家治國，遑論天下平？

作者：散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下，嘗試改變世界。

閱讀後覺得好，請多多讚好及分享～：）