那些年，你返學坐邊個位？

文昌位：

第一行教師位前果兩個，
普遍嚟講坐得嚟兩個位都係好學生嘅代表，
有大近視，
志願係成為一個律師或者醫生。

桃花位：

位於課室中間位置，
多數由丫鬟孖住娘娘就座。
娘娘志願係嫁個有錢人，
而搞笑嘅係丫鬟佢永遠都唔知自己做緊丫鬟。

九宮：

圍住娘娘嘅位置除左正東正南正西正北之外，
仲包括東南東北西南西北。
如果集齊八個男仔圍住娘娘坐，
我哋會叫呢個做九宮飛星格，
或者直接叫啲男仔九宮格？

惡人谷，財位：

後座成排。
不外乎瞓下覺煲下劇睇下小說揭下漫畫，
最多都係搵埋財位啲手下一齊度下馬仔計下波攬炒下股票捉下象棋咁，
街外錢邊搵得哂吖！

神之主角：

窗口邊第一排尾二。
唔好講笑，
日本動漫嘅主角，
十個有九個都係座呢個位。
佢哋唔駛聽書架，
淨係擺個托腮pose,
瞇起對眼睇落葉就得架啦！

病位：

如染上瘟疫，需要睡眠治療。
小心，會傳染！
你懂的！

是非位：

由一班志願女同學所組成，
其軍事實力不能睇小。
專職負責收集情報，情報分析，執行任務。
係一個班入面戰略部署之中既成敗關鍵。

門神：

係是非位另一個戰略伙伴
門口隔離第一個位，
有兩大任務！
1， 照顧病位同學
2， 睇水兼通風報訊
絕對係一位不可多得嘅軍事人才！

班長位：

如果係男班長，佢純粹唔夠班九宮爭。
如果係女班長，佢都會自動晉升成為是非位一員。

同學仔，
你知點坐啦？！

作者：刁民

閱讀後覺得好，請多多讚好及分享～：）