【短篇小說】iPhone？唉瘋？我真的瘋了～

（photo via cc Flickr user MIKI Yoshihito）

「唉……仆街！搞咁耐同我講抱歉無貨，我x你啦！」，坐系電腦面前不禁苦嘆一口氣嘅人，就係我，阿俊。我今年已經讀緊大專課程，你問我想唔想繼續讀？ok啦。d人話讀書可以致富，又唔係錯得哂嘅，但係要花好多時間。我自問好鍾意留意近期熱門嘅事，呢排有咩興？唔洗我講啦，緊係iPhone 6啦！朋友問我買唔買，哼！仲要問？幾錢都買啦，傻嘅。自問作為一個潮流嘅尖端份子，新衫，新鞋，新手機，總之咩都新就啱架啦，咁先係潮流嘅代表嘛！但係，之後發生嘅事令我動搖呢個信念，新就代表好？

「喂，喂，阿俊……」，一把熟悉又溫柔嘅聲音就似日本嘅子彈火車，深深咁穿過我微細嘅耳窿。佢叫名婷，係我地班上嘅「班花」，可以話係我地學校嘅女神，個個男嘅見到佢都想date佢，但佢地唔知自己已經成為二等兵。

「新iPhone出啦喎！你會唔會買先？」，阿婷一邊整理筆記一邊用疑惑嘅語氣問我。「買就一定買架啦，睇下到時咩價錢先。」，我用堅定嘅態度答佢並且感受仍嘅氣息，但天有不測之風雲，仍只係冷冷咁問我一句，「吓？咁即係幾錢都買？」，佢咁問，無非都係想試我睇下我係咪哂錢嘅人啫，但人地送個小李飛刀俾係，無理由唔俾番個回馬槍人架。「係！」，呢個字深深咁從我喉嚨噴出離，但女神無答我任何嘢，只係繼續整理notes，然後不帶雲財咁走咗，我知佢已經認定我係一個點嘅人，但我無後悔，因為我始終認為新嘅嘢永遠都帶俾我新鮮感。

到咗iPhone 6第一輪預訂，好多人都話唔會夠人爭，身邊嘅人都叫我唔好搶，係跟本搶唔到。但我覺得機會係自己爭取，你一日唔試一日都唔知得定唔得。到咗下午3:00，我坐系電腦面前，猶如一隻大熱馬入閘咁，個個都落重注係你身上，食粥食飯就睇你。然後我就一直禁F5，一直禁，一直禁，不斷重複……感覺好似同個F5制有仇咁。

當然，個天始終會留一點運氣俾d不放棄嘅人，正當我同F5制火拼時候，終於入到去預訂個畫面度，我自自然然地好興高采烈咁揀型號，顏色，最後填埋個人資料。但世事始終無人預計到，一啖砂糖一啖屎，螢幕突然彈出一行字，「抱歉，閣下所選取之型號暫無供應……」，當時我只講咗一句，「唉……仆街！搞咁耐同我講抱歉無貨，我x你啦！」。終於，一場歡喜一場空，吃不到我葡萄是酸的，而我一見鐘情嘅iPhone 6，始終都係離我而去。

番到學校，d人都問我，「喂！訂唔訂到機？如果訂到又放的話，萬二蚊有計傾。」，又或者，「我俾錢你，幫我訂得唔得先？」，種種說話不斷徘徊系我耳邊，但我只能講一句，「訂春咩！搞所有嘢，揀哂型號又剩，跟住同我講無貨，訂條毛呀？」，頓時，班房嘅氣氛由興奮變成冷寞。我一d心情都無，只係默默咁繼續用手機上網……

正當我處於沮喪階段嘅時候，蘋果宣佈將有新一輪預訂，我直覺話我知呢個係最後機會，我知道機會不得人。果然，我努力無白費，真愛始終會一齊。系第二輪預訂，我終於可以帶番屋企。由預訂成功到親身到中環ifc攞機，呢一切對我離講好似發緊，簡直唔敢相信。直到番到屋企，當我想分享呢份喜悅嘅時候，反而屋企人面止有嘅唔係笑，邢係無奈，但我無理，只係繼續表示我嘅高興，但我媽只係問我一句，「俊，係唔係新就代表好？」，我亦無去理佢呢個問題，只係入房開箱，繼續欣賞我嘅iPhone 6……

時至今日，已經過了一年，我嘅iPhone 6亦跟咗我一年，我同已往一樣，繼續番學，繼續過我自己嘅生活。直到有一日，系網上新見到一則新聞……「蘋果宣佈今年內推出新一代iPhone……」，我心諗，「唔係啩！我部機用左都係一年，你咁快同我出新機？」，我當時諗嘅，唔係抱怨，亦唔係諗點樣計劃去搶機，我反而問自己一個問題，究竟個價值系邊？正當我一直諗個問題，我媽曾經同我個過嘅一句話成為答案……係唔係新就代表好？。一直以離，我無諗過呢個問題，只係覺得愈新嘅嘢愈會受到其他人注視，我都無真真正正去了解一樣嘢嘅價值，叭係盲目咁搵我所謂嘅新鮮感，但其實，對於我呢d學生哥離講，又追得幾多？d人話「薑愈老愈辣」，呢句教人做人嘅說話亦可以用系我身上。唔淨只我，大部分人都認為真嘅事物可以帶仍地去生活踲另一個階段，如果唔係唔會有「潮流」呢兩個字，反而我地要問自己，要同潮流競賽，你會係贏家定係輸家？有好多人或者同我一樣，想擁有最新嘅嘢其實只不過係同潮流比賽，你快，人地就羨慕，你慢，你只不過係羨慕佢嘅人。但若果調番轉離諗，贏嘅人真正得到嘅又係咩？輸嘅人又失去咩？

時代一直進步，我地要知道自己係咪真係追得上，我自己就係一個例子……我追唔到。任你點樣去受錢或時間去換，你永遠都輸俾時代。iPhone可以一直推陳出新，我地又能唔能夠跟隨佢嘅步伐呢？諗番轉頭，過去我一直俾潮流帶住走，而唔係我去駕馭佢，我地係人，唔係機器，永遠唔會知道呢個世界嘅終點係邊，唯一能夠做嘅，檢討自己而家有嘅嘢，係老土d，但呢句話背後意思係咩，我諗每個人都知道。

諗到呢到，我都只能講一句，「iPhone……iPhone，我真係瘋咗……」，然後禁住鎖機制，繼續過我嘅生活……

作者：阿俊

現在正於香港就讀學士學位課程，熱愛分享及寫作。

閱讀後覺得好，請多多讚好及分享～：）