是咁的，其實我最後都係走左，原因係我覺得今次留低其實係做唔到呢場運動想做嘅事。但我好欣賞留低嘅人，因為你地係為學聯挽救緊面子，但我自問我真係付出唔到咁多。
成個遊行，其實晨早已在警方掌控，警方控制左遊行路線，控制左集會範圍，學聯一向sell和平理性非暴力，警方斷鳩估你地班友係唔會衝，所以到左禮賓府都只能夠得個望字。唔似得七‧二個陣，可以反客為主，據地而守，令警方處於被動。
就在警方控制之下，呢個遊行始終都係達唔到想要嘅目的。抵達禮賓府後，學聯本來要求警方開路，讓所有遊行人士可以路過禮賓府拋物件（大會有派過A4紙俾人摺紙飛機）「送禮」俾梁振英。但警方最終拒絕學聯要求，唔願意開路俾遊行人士。最後學聯只能做的，就只有留守。但留守嘅問題顯而易見：1. 連梁振英是咪喺禮賓府都唔知。 2. 禮賓府唔只一道門，就算佢喺入面，佢大可以行第二道門。 因此，好多人都失望而回，愈來愈多人走。
開頭我都有D氣憤點解走左咁多人，但諗深一層，走，其實都算係一個rational choice。而且我個人覺得，今次走左嘅人其實唔係走左就永遠唔再返黎參與社運，我覺得佢地其實係等緊一個真正值得佢地留低嘅運動。
仲有就係，我始終覺得，學聯多作唔同嘗試係一件好事。無可否認，今次學聯的確係失敗左，現在留守亦只係面子問題多於運動實質成敗嘅問題（而家叫人散水其實仲傷過俾警方塔晒返去）。但今次呢個運動再一次地，今次行動亦繼七‧二後再一次證明左，其實社會運動都有低風險嘅玩法，唔想承擔咁多法律責任嘅朋友，其實亦可以現身撐場，就好似七‧二於留守人士附近遊走嘅人一樣，同樣可以做到好多野，我相信呢個亦係今次參與人數較上次多嘅原因之一。
最後，想同學聯講聲唔好意思，同埋真心欣賞學聯一眾朋友，仲有一日，撐埋落去。
（p.s. 屌學聯柒還屌學聯柒，雖然今次佢係真係柒左，但人地起碼肯試，盡左自己力。今次係和平左D冇乜抗爭味，但起碼唔係好似佔中三子下下咁多顧慮又斯斯縮縮咁。唔好話學聯班友冇膽衝個Ｄ，不如問下自己，如果佢地真係衝嘅時候，你又準備好未？利申：我未）
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月26日
