剛由柬埔寨返到香港，吳哥遺跡實在係好壯觀好值得去。不過我呢篇唔係想講柬埔寨，而係想講下今次旅程遇到既一個大陸旅客。佢係個已經四十幾歲，去柬埔寨自遊行既成都男人，亦係我旅行遇到過既中年中國旅客之中，少有的高質素旅客。我係某間咖啡店飲野既時候識佢既，佢係個好健談既人，我同佢食左餐飯傾左好耐，講左好多方面既野，俾我既感覺佢好有思考同見識。
佢係個好鍾意香港既人，但係唔係鍾意黎香港買野，而係鍾意香港的感覺同埋文化。我同佢講到自由行問題，佢講左一番咁既話：
「上次和兒子到香港轉機，住在海港城，附近那叫一個擠呀！都是大陸來買東西的，說話大聲拖著箱把街擠得死死的。我就跟我兒子說，難怪香港人會不滿，你看這邊現在都沒有香港的味道了，都是大陸人。第二天早上7點，我們去那個中環站坐香港機場快線，因為太早了都不會有大陸旅客，車站走的都是香港的上班族。他們靜靜的走，我就跟我兒子說，這才是本來的香港呀。」
我好慶幸遇一個咁既人仲同佢傾左好耐。因為我眼見既大陸旅行者，以及一部分同學，都只係認為香港係一個購物既地方，提起香港都只係會諗起購物。我再同佢講左O的大陸旅客的質數問題，比如話好多人自己唔去尊重對方，卻要求對方包容自己，佢既回答是咁的：
「一年多前帶我兒子和他媽媽去歐洲，某日去到瑞士等過馬路，遇到一對衝燈的父子。當時兒子拉著他父親說，爸爸燈還未轉我們不能過，然後他爸爸說，沒事兒，這裡的車會讓人。他說得特大聲，其他人都能聽到。當時我們就覺得特丟人，還在想以後出去要不要裝成新加坡人台灣人馬來人。其實每次大陸人旅遊在外出問題了，很多都會說對方的不是，說這些事在中國很常見，有什麼了不起的。實際上該對中國旅客不文明行為生氣的，應該是其他中國人才對。因為有這些人，中國旅客才會普遍地不受歡迎，素質好的完全是躺著也中槍。唉，這種實在是給中國人丟臉呀。」
每一次出發，如果有機會我都會盡量嘗試去同唔同既人講野。當然有時會遇到好差既人，比如話係尼泊爾入關哥陣，遇到個叫同行既人向關員賄賂以求快快過關既（東北）大陸人，又試過遇到只為買春而去旅行既韓國人，但係每每遇到更多值得結識既朋友，比如話今次遇到既就係個驚喜。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月26日
