呢兩晚係回歸以來最震撼的一役

香港經歷主權移交十七年來，最震撼的一役，大量人力物力可以跟差佬拉布了接近二十四小時，跟差佬鬥智鬥力了接近廿四小時，這雖不是「三千年未有之變局」，但至少係十七年未有之新局。

這個戰役在頭十二小時，基本上是巿民自發的抗爭。面對住胡椒噴霧、防暴隊的挑戰，他們合力對抗，互相支援，總算是捱過黑夜，到了黎明。但日晝之後，一班老坑，包括三個已剃度的大師，一班過氣但仍以為自己是大佬大姐的人。他們終於走了出來，但結果形勢已經急轉直下，有情深獻菊花、有人話「差佬唔係敵人」，心諗：「做咩膠？」。友人今日去咗政總聲援，佢同我講「其實朝早戶班抽水都已娙好嬲，尤其是有葉建源同三傻……只可以講尋晚同今日唔同哂。」

香港社運呢十年，特別自皇后一役，就係由一班「左膠」同過氣之人所騎劫抽水，消耗大量人力物力，但最後係唔會好結果。容總有日係FACEBOOK到PO：「每次被左膠鬧我「咁你做過咩」，我都有一種莫名快感，覺得開正我個瓣，渣住幾百萬CLICK 椗返過去，仲可以補句＿你老母添～」，我只會回應佢一句「回佢一句：「你做咁＿多嘢，成果係邊到呀？？＿你老母」

今日一役的頭十二小時，已經可見得出大眾根本對現行的社運方式非常不滿，不再安於「只有付出，沒有成果」的「抽水式嘉年華會抗爭」。日後的社會抗爭，亦都有所改變。

但係香港社會運動的方向可以點行落去？究竟我地今日要繼續係中共的圈圈之中爭取？還是要開始打破圈圈，要破舊立新？如果我地只係繼續奢望可以擴大中共所訂下的圈圈去抗爭，這只會係緣木求魚。中共只會不斷去向個班過氣的人去測佢地的底線，民主党已經率先跣你一鑊，你仲信中共，仲信習總？用呢種新抗爭方法去求一国兩制的真普選，佢只會當你係暴動，只會係用防暴同打壓，然後粉飾太平就算。香港要有未來，理應破舊立新，打破框框，建立新局面，但要令所有抗爭者都想打破框框去抗爭，呢一條路將會非常艱難，必需要慢慢去改變香港抗爭的心態。不要再妄想中共放權俾香港，不要自作多情。

其實今次一役，我有不少朋友開始會關注香港政治，開始會在FACEBOOK上PO文，逐少逐少蒲公英不斷飄散，可以愈來愈多人蘇醒，認清而加香港的自身環境，正正對分裂專制政權埋下彈藥。

最後，我諗到一段歌詞

「哪怕一個倒下來
另一個我會站起來
一個兩個三個千個萬個億個的我

我從地平綫爬上來
不管縫隙多麼的狹窄
用盡全力愛我所愛
默默的　推翻了　顛覆了

我從絕地裡活過來
我雙腳在這裡站起來
我的翅膀在我身體長出來
我要飛了我要飛出去飛出去　飛了」

作者：威廉軒

閱讀後覺得好，請多多讚好及分享～：）