（photo via cc Flickr user takyin）
罷課至今，已差不多一個星期時間。有人話呢個係一場公民嘅戰爭、廣場內嘅戰爭，但喺每一個家庭入面，何嘗又唔係有一場場戰疫在蔓延。
記得N年前某建制議員來我中學講talk時講過，後生仔支持民主，上年紀嘅人支持建制，係好正常嘅事。先利申一下，我家兩老係典型希望社會和平穩定發展嘅人，係嗰種我每次同佢地講親反國、六四同真普選都會黑面嗰種。
看盡中國咁多面，唔講政治，我為中國文化感到十分自豪（講緊積累數千年果d華夏文化呀）。但對比起呢d，我更愛自己出生成長嘅呢個地方–香港。都入得大學，無番咁上下獨立自主思考都枉稱自己係一個大學生。偏偏，自己父母就唔係咁諗。
老一輩要撐政府，我理解同明白你嘅諗法。但撐政府，係咪代表執法機關做咩你都照撐呢？呢幾日一路睇直播，一路睇Facebook上面朋友嘅現場消息直擊，好震撼好心寒。我諗關心呢場運動嘅朋友知得一定比我多，而網上文章同報導都唔少，所以我唔諗住喺呢度重覆。留意網上媒體嘅我地知，然而關注傳統媒體嘅父母群卻懵然不知。多得「是是但但」嘅媒體唔少，佢地至今仍然覺得學生係被操控嘅暴民。
吵鬧了一場，實在忍唔住落下幾滴眼淚。真係愛香港，有責任去阻止不公義嘅事情發生。點解我講完警察向舉高雙手嘅學生施以暴力，都可以當無事發生過咁？要知道，沉默係呢個時候係代表縱容呢個政權繼續去欺壓人民。任憑你地如何嗤以之鼻，學生以一己之力去抗暴、去維護香港核心價值，仍然係做緊一件正確嘅事。錯嘅，只係呢個恃住自己有班Die-hard fans而為所欲為嘅政府。
有支持你去抗爭同聲援嘅父母嘅，其實你地好幸福。私煙成日喺度嚷嚷「救救孩子」，老嗰班何嘗唔係需要人救？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年9月28日
