老一輩要撐政府，我理解同明白你嘅諗法。但撐政府，係咪代表執法機關做咩你都照撐呢？呢幾日一路睇直播，一路睇Facebook上面朋友嘅現場消息直擊，好震撼好心寒。我諗關心呢場運動嘅朋友知得一定比我多，而網上文章同報導都唔少，所以我唔諗住喺呢度重覆。留意網上媒體嘅我地知，然而關注傳統媒體嘅父母群卻懵然不知。多得「是是但但」嘅媒體唔少，佢地至今仍然覺得學生係被操控嘅暴民。