街。鋪。人

一. 街

今日小弟去咗金鐘同旺角送咗D物資去聲援,之前再行咗一陣,一路行,少人亦少車,冇嘈雜聲,見唔到一班人坐在係街到食煙,亦唔會人有人突然大喊叫無雷公咁遠的親戚。

原來呢個畫面已經係零三年前出現了。

偶然發現,原來香港唔係無辦法改善路邊空氣,特別係繁忙巿區。香港人原來可以開少D私家車,多用公共交通工具;原來香港街上係可以聽少D普通話,聽多D廣東話;原來香港係可以唔洗有咁多人,係可以好輕鬆咁行街,條街係可以行得舒服D,係可以冇咁焗促。

 

二. 鋪

沿聯合廣場南下,商場、街鋪依然開巿。最諷刺的係連銀行都有開。除咗係亞皆老街彌敦道交界的銀行冇開之外,係近旺角道的銀行就有開。當然理解亞皆老街個邊D銀行點解唔開,因為開完都無人都無人返去,但係係旺角道中資的工商銀行,同美帝的花旗銀行照常開工,仲有一堆金行都開。個班愛字堆唔係話過佔中會令社會好亂?班銀行家唔係話過佔中會影響金融體制咩?咁點解係佔領區的銀行同金行竟然會開鋪?佢地唔係因為怕有人去搶掠而唔開工,或者搵埋D保安去守住才對咩?點解連間中資四大銀行唔落閘?到底係邊個搞亂香港?

 

旺角 罷課

旺角 罷課

 

攝於約四點五十分,近關門時間,故半落閘。

 

三. 人

呢場運動,所有人都現咗真身,大部分都可以分為三類:一,係支持學生。佢地係在黃之鋒被補之後,走出嚟聲援學生,並且係戴天子宣佈佔中開始,自發走上街頭,利用高舉雙手反包圍差人,及開始想不同方法去佔領街頭。最後成功把戰線延至銅鑼灣、旺角,以及收復中環。二,係中間反對派。佢地會用好「中性」的說話去掩飾自己反學生運動的立場,例如:「明白學生運動,但唔好阻我返工就好了。」呢D人係眼淺的,原完不知道今日冇咗小小薪金,他日可以賺到更多的。第三類係反對學生。呢班係直接同你講佢反對佔中,並指呢場係「動亂」。

少部分人係可以歸立為喪屍。呢一班人係已經失去自由意志,為第三類人服務。手持球棍,見到第一類人就住嚟打。佢地配有催淚彈同胡椒噴霧,會係地鐵站內裏同向救護站發射催淚彈,喪心病狂。佢地亦會對住個去拋催淚彈同噴胡椒噴霧,簡直係令人氣憤,與民為敵。

 

作者:威廉軒

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 86528
Date: 2014-09-29 21:01:00
Generated at: 2021-06-16 15:45:40
Permalink: https://www.vjmedia.com.hk/articles/2014/09/29/86528/街。鋪。人