藍皓 攝
對付「佔中擾民」既謠言，千萬保持心平氣和。小妹以前做過前線客戶服務，training時學過「客戶服務」三招，可以將之KO，除左大家瘋傳既自由phone既示例一，我本人有示例二 (親身經歷)，希望幫到大家：
朋友：你佔中搞到我個朋友個仔無得去st paul co edu面試！佢係我個仔個同學個阿媽，我信佢係講真。
我：哦……開左學先面試架？
朋友：係呀，男女拔都係依家面試。
我：咁佢搭咩車去呀？
朋友：佢揸車囉，塞住晒入唔到去呀。
我：佢幾號幾點去面試架？
朋友：咪佔中嗰日囉！
我：佔中嗰日星期日喎，學校星期日都面試既咩？你係咪講緊星期一二？
朋友：我唔清楚呀，星期一掛。
我：咁呀，不如咁呀，你幫我問下，邊d學校嗰期面試，我幫手整張list, 等佔領現場見到家長面試既車，識得讓條路出來丫」
朋友：唔得架，涉及家長私隱，你想玩死d家長咩。我唔會話俾你聽我個仔個同學叫咩名架。
我：保障私隱，唔使提供學生名或車牌，只需話我知佢面試邊間學校，我地向學校查證真有其事，就可以建議佔領區配合。咁樣唔止幫到佢，仲幫到其他去佔領區附近學校既家長。
朋友：咁複雜，交通部都做唔到啦。（我心諗，交通部？）
我：依家有fb， 只要一放上網大家就識做架啦，好簡單架咋，現場救護車消防車都開到路啦，佢架車有小朋友，實開俾佢架。
朋友：咁我諗佢地會情願俾你地話愚昧，都唔會叫你地開路囉。如果搞到我個仔都面唔到試，我都會變得好愚昧。（記住唔好回應「愚昧」呢d形容詞先，回歸事實先）
我：講返件事點解決丫，咁佢當日架車塞左係邊條街？我睇下可否建議現場，將路障係日間移入少少？
朋友：我都話費事煩囉，我地情願俾你地話愚昧，都唔會叫你地開路，會搭地鐵囉
我：咦，乜件事唔係發生係星期一既咩？你又話嗰位家長係揸車既？
朋友：條路塞左咪唯有搭地鐵……
我：但係星期一二地鐵已經重開啦喎，連金鐘站都停，銅鑼灣金鐘被封出口距離另一個出口不超過5分鐘，而佔領區係所有人都入到去架噃。）
……
( 對話結束)
（頭盔：作為一個專業既客戶服務人員，我無係佢面前爆呢句或者diu人，佢小朋友或者係in嚮黃竹坑既小學部……但黃竹坑可以搭地鐵？）
Baby Kingdom好多呢類聲音，各位如果佔領累鳥，回家小休再戰之際，記得上baby kingdom打輿論戰，記住唔好動氣，逐個細節慢慢問。正所謂大話怕計數，你拎出認真誠懇既態度去問，講大話既人唔敢即時發難，但會心知向正常人散播謠言成本高左，就會轉向更愚昧既人散播，咁謠言圈就會細左，變成塘水滾塘魚。如果嗰位市民係真心需要幫助或受到影響，問多d細節亦有助改善佔領區運作，爭取民心。
記住，要俾耐性，逐個謠言散播點去擊破。
政府依家無牌打，就搞分化，挾家長師奶以令諸侯，放返d愛字頭同鳩溶私煙出來，猛咁散播謠言抹黑，對運動既持續性都有影響，記住，陣地戰要打，輿論戰更要打。要打，唔好淨係嚮自fb，要深入敵陣，去你同我都最不屑去既平台。
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2014年10月2日
