去到所謂嘅金紫荊示威現場，即係三百米外嘅會議道（其實勁遠，八點播國歌我朋友直情聽唔到唔知到開始左），有一大堆人圍埋左討論緊。當中有人會指示發言權，「哩位先生舉左好耐手，畀佢講先」「佢講緊野你唔好插嘴」等等。佢地不停喺度泥漿摔角，大概就係由不同發言者喺度loop「大家唔好衝擊」「都冇人話要衝擊」，而後者似乎係屬於少數。我比較深刻嘅發言，係有人指出哩個係「我地嘅國家」升旗，同埋有人呼籲唔好喺金紫荊哩邊堵路，被反駁哩幾日都係堵路，佢話「所以唔好錯落去」。